Cuor
From Wikipedia, the free encyclopedia
El cuor (dito anca cor o core) el xe n'òrgano catà inte ła cavità toràxica, par eser più sceti inte el Mediastin medio, drio al sterno e łe cartiłàxene costałe, che eło protexe come un scudo, vanti a ła cołona vertebral, da ła qual el xe separà dal'exòfago e dal'aorta, poxà sul diaframa, che rło divide dai buei de sóto. Costituio par de più soło da tesuo muscołar strià, el xe tegnùo su da na strutura fibróxa dita pericardio.
![Thumb image](http://upload.wikimedia.org/wikipedia/commons/b/b7/Humhrt2.jpg)
El cuor el xe l'òrgano sentral del'aparato sircołatorio; el fa da pónpa bóna a crear na presion che ła basta a preméter ła circołasion del sangue.
El só nome el vien fora dal łatin cor, cordis, l'agetivo cardìaco' dal greco antigo κάρδιον (kardion).
Drio na credénsa popołar el cuor nol xe soło un òrgano chel xe el séntro del motor del paraménto sircołatorio, ma anca el primum movens de ła vita spiritual e dei amóri.[1]