![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/c9/Castelli_di_Giulietta_e_Romeo.jpg/640px-Castelli_di_Giulietta_e_Romeo.jpg&w=640&q=50)
Castełi de Romeo e Giułieta
From Wikipedia, the free encyclopedia
El Casteło de ła Viła e el Casteło de ła Bełaguardia, popołarmente conosui come Casteło di Romeo e Casteło de Giułieta, i xe du manieri inte el teritorio de Montecio Majore in provincia de Vicensa. I manieri, de ridota dimension, i xe situà uno poco distande da l'altro, inte na posision panoràmega e strategega, so na colìna sora Montecio Majore.
![Thumb image](http://upload.wikimedia.org/wikipedia/commons/thumb/c/c9/Castelli_di_Giulietta_e_Romeo.jpg/640px-Castelli_di_Giulietta_e_Romeo.jpg)
Secondo ła łegénda, che ga vudo difuxion a metà del'Otosento, Luigi da Porto, inte el scrivare ła so Historia novellamente ritrovata (che efitivamente ga ispirà dopo Romeo e Giułieta de Shakespeare), se saria ispirà ai du castełi visini e oposti poco distanti da ła so viła de Montorso Visentin da dova nase el nome confermà in epoca resente.