From Wikipedia, the free encyclopedia
Cameron Michelle Diaz (San Diego, 30 agosto 1972) xe na atora e dopiatora statunitense.
Nata a San Diego (California), da pare statunitense orixinàl de Los Angeles e fìo de imigràti cubani, Emilio Diaz (1949-2008), che laorava cofà soraintendente par na conpagnìa petrołifera, e da mare 'mericana de orìxene inglexi, todesche, cherokee ed ołandexi,Billy Early, un bułeghìn in una compagnia de estrasion. La Diaz gà frequentà ła "Long Beach Polytechnic High School".
Co ła gà avùo sedexe ani ła gà intraprendesto ła carièa de modèła par l'agensia Elle e, dopo aver concluxo ła High School, xe andada a łavoràr in Giapon. Tornàda nei Stati Unii, gà continuà l'atività de modèła, dandoghe ła posibiłità cussì de xiràr el mondo.
A l'età de 21 ani ła gà fato el so debuto sinematografego co el film The Mask - Da zero a mito, co Jim Carrey, dopo aver fato i provini e co gran maravégia, no avendo esperiense sinematografeghe, ła xe stà sielta pa'l ròło de protagonista feminiłe, tacando cussì a ciapàr lesion de recitasion.
Nei tre ani drìo ła gà recità in film indipendenti, cofà Una cena quasi perfetta, Due mariti par un matrimonio e Il senso dell'amore.
Ła gà riciapà ad interpretàr produsion comerciałi co Il matrimonio del mio migliore amico e Tutti pazzi par Mary. Anca el so' ròło in Essere John Malkovich gaveva avùo na bona critica, procurandołe diversi premi.
Ła xe stàda anca protagonista del primo film Charlie's Angels, che xe stà adatà sinematograficamente conforme a ła serie de suceso dei ani setanta. Pa'l sèguito Charlie's Angels: più che mai xe deventà ła seconda atora, dopo Julia Roberts, a risever un conpénso de vinti miłioni de dołari par un ròło ùgnoło. Ła se gà simentà anca a dopiàr el personaxo de Fiona inte el film animà Shrek e nei sequel Shrek 2, Shrek terzo e Shrek e vissero felici e contenti. Inte el 2001 el so ròło in Vanilla Sky ghe gà fato otegnìr diversi premi.
Inte el 2011 Cameron gà partesipà a do film inte el ròło de ła protagonista: in The Green Hornet ła recita el personaxo de Lenore Case, asistente e ricercatora del Gralaon Verde, mentre in Bad Teacher - Una cattiva maestra ła interpreta el ròło de Elizabeth Halsey, na insegnante de scoła media.
Inte el 2012 ła recita in Che cosa aspettarsi quando si aspetta interpretando Jules, una de łe sinque done che xe drìo spetàr un fìo.
Ne łe version in itałian dei so film, Cameron Diaz xe stà dopià da:
Da dopiatora ła xe sostituìa da:
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.