Azoto
From Wikipedia, the free encyclopedia
L'azoto el xe l'ełemento chìmego de nùmero atòmego 7. El só sìnboło el xe N, dal franséxe nitrogène nome creà inte el 1790 dal chìmego Jean Antoine Chaptal che el ga unìo el grego nitron (carbonato de sodio) e ła raixa -gen darghe vita a. Lavoisier el ga descoverto che el aria ła xe conposta de na parte inerte insieme a queła de osìgeno e'l ghe ga dà el nome de azotè, paroła creada co ła partexeła grega ἀ (alfa privativo) tacada a ζωή (vita), col signifegà de sénsa vita. Sti nomi i se cata tuti dó inte łe łéngue europee (varda anca l'inglexe nitrogen).
El siclo del'azoto el xe quel proceso al qual partèsipa piante, fónghi e bateri, che i tol st'inportante ełemento dal'aria e ło fa pasar in paréci dei sói ioni e conposti.
14N (99,63%) e 15N (0,37%) i xe i ixòtopi stàbiłi del'azoto.