![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/f/fa/Flag_of_the_People%2527s_Republic_of_China.svg/languz-640px-Flag_of_the_People%2527s_Republic_of_China.svg.png&w=640&q=50)
Xitoy bayrogʻi
From Wikipedia, the free encyclopedia
Xitoy bayrogʻi („Besh yulduzli qizil bayroq“; xitoycha:五星紅旗|五星红旗|wǔ xīng hóng qí) — Xitoy Xalq Respublikasining davlat ramzlaridan biri. U Chjetszyan provintsiyasidan boʻlgan iqtisodchi va aktyor Tzeng Liansong tomonidan ishlab chiqilgan. Bayroq 1949 -yil 27-sentabrda Xalq siyosiy maslahat kengashida tasdiqlangan[1].
![Thumb image](http://upload.wikimedia.org/wikipedia/commons/thumb/c/ce/Chinese_flag_%28Beijing%29_-_IMG_1104.jpg/640px-Chinese_flag_%28Beijing%29_-_IMG_1104.jpg)
Xitoy bayrog`i | |
---|---|
![]() | |
Mamlakat | Xitoy |
Mutanosibligi | 2:3 |
Qabul qilindi | 27-sentyabr, 1949-yil (74 yil avval) (1949-09-27) |
Bayroq mualliflari | Tsen Lyansun |
Bayroqning qizil rangi inqilobni anglatadi[1]. Yuqori chap burchakda toʻrtta kichik yulduz yoyi bilan oʻralgan besh qirrali oltin yulduz joylashgan. Katta yulduz Kommunistik partiya rahbariyatini ifodalaydi[1]. 4 ta kichik yulduzning rasmiy talqini yoʻq: Xitoyning oʻzida talqin mashhur boʻlib, unga koʻra ular toʻrtta sinfni — proletariat, dehqonlar, ziyolilar va armiyani anglatadi. Mao Tszedunning oʻzi[2] toʻrtta sinfni „ishchi sinfi, dehqonlar, shahar mayda burjuaziyasi va ishchilar sinfi rahbarligidagi milliy burjuaziya“ deb taʼriflagan. Xitoy bayrogʻidagi toʻrtta kichik yulduz bir-biriga parallel emas, balki ularning choʻqqilaridan birini kattaroq yulduzga qaratadi. 2016-yilgi Olimpiada oʻyinlarida tashkilotchilar xatolik tufayli „parallel“ yulduzlar[3] tasvirlangan notoʻgʻri Xitoy bayroqlaridan foydalanishgan, bu bilan bogʻliq holda Xitoy markaziy televideniyesi boshlovchisi Tsuy Yuntuan davlat bayrogʻi mamlakat ramzi ekanligini va unga nisbatan xatoliklarga yoʻl qoʻyilmasligini taʼkidlagan[4].
Xitoy Xalq Respublikasida qoʻllaniladigan boshqa bayroqlar ham xuddi shunday dizaynga ega: asosiy qizil rang fonida elementlar - Inqilob ramzi. Shunday qilib, Xitoy armiyasi bayrogʻida 8-1 xitoy ierogliflari bilan bilan birga katta oltin yulduz tasvirlangan (bu „1-avgust“ — uning tashkil etilgan sanasini anglatadi).
- Xitoy Respublikasi armiyasining bayrogʻi
- Xitoy Respublikasi dengiz floti armiyasining bayrogʻi
Xitoy Kommunistik partiyasi bayrogʻida milliy bayroqning barcha yulduzlari partiya ramzi bo`lgan bolgʻa va oʻroq bilan almashtirildi. Xitoyning shaharlari va viloyatlari hukumat qoidalariga ko'ra shaxsiy bayroqlariga ega bo'lishi mumkin emas, faqat Gonkong va Makaoning maxsus ma'muriy hududlari bundan mustasno. Shunga qaramay, ushbu qonun qabul qilingandan keyin ikkita shahar o'z bayroqlarini yaratdi. Bu shaharlar - Kayfeng va Shangrao edi. Ular o'z bayroqlarini 2006-yil mart va 2009-yil mart oylarida o`rnatishgan. Taxmin qilish mumkinki, bu qonun bekor qilingan yoki amalda ishlatilmaydi.