From Wikipedia, the free encyclopedia
iPhone 15 Pro va iPhone 15 Pro Max Apple korporatsiyasi tomonidan ishlab chiqarilgan, iOS 17 operatsion tizimi va Apple A17 Pro protsessorida ishlovchi smartfonlar. Qurilmalar 2023-yil 12-sentabrda Kupertinodagi Apple Parkdagi Apple Wonderlust maxsus tadbirida taqdim etilgan. Oldindan buyurtmalar 2023-yil 15-sentabrda boshlangan[1]. Smartfonlar 2023-yil 22-sentabrda sotuvga chiqarilgan.
iPhone 15 Pro iPhone 15 Pro Max | |
---|---|
![]() | |
Brend | Apple Inc. |
Vazni |
iPhone 15 Pro: 187 gramm iPhone 15 Pro Max: 221 gramm |
iPhone 15 Pro va iPhone 15 Pro Max tabiiy qora, koʻk, oq va tabiiy titan ranglarida sotuvga chiqarilgan.
Rang | Nom |
---|---|
Tabiiy titan | |
Koʻk titan | |
Oq titan | |
Qora titan |
iPhone 15 Pro va iPhone 15 Pro Max USB 3.2 maʼlumot uzatish tezligiga ega (oʻrtacha 20Gbps/10Gbps gacha) USB-C dan foydalanadi[2][3]. Ammo USB 3.2 tezligiga erishish uchun siz qoʻshimcha ravishda 69 dollarga Thunderbolt 4 kabelini sotib olishingiz kerak, bu sotuv paketiga kiritilmagan.
iPhone 15 Pro va Pro Max chiplari(SoC) Apple A17 Pro tizimiga ega. Ushbu chip TSMC N3B ishlab chiqarish jarayoni asosida qurilgan. Smartfon taqdimotida Apple Death Stranding, Resident Evil Village va Assassinʼs Creed Mirage (barcha oʻyinlar dastlab konsollar va shaxsiy kompyuterlar uchun moʻljallangan) kabi oʻyinlar kelajakda iOS ga kelishini eʼlon qildi[4].
Barcha iPhone 15 modellari 4K HDR bilan USB-C video chiqishi orqali DisplayPort alternativ rejimini qoʻllab-quvvatlaydi[5][6].
Oldingi iPhone modellari (iPhone 5 dan iPhone 14 gacha) Lightning ulagichidan foydalanilgan bol’sa, endilikda iPhone 15 modelidan boshlab USB ulagichlaridan foydalaniladi[7].
iPhone 15 Pro va iPhone 15 Pro Max’da har bir iPhoneʼda mavjud boʻlgan ovozni oʻchirish tugmasi oʻrnini bosuvchi harakat tugmasi mavjud. Harakat tugmasi funksiyasi foydalanuvchi tomonidan sozlanishi mumkin. Standart rejimda Harakat tugmasi orqali sukunat rejimiga oʻtish mumkin. Boshqa variantlar orasida kamerani ochish, ovozli eslatma yozish yoki fokus rejimini almashtirish va boshqalar kiradi[1].
Ishlatish usuli | Vaqt, s |
---|---|
Video koʻrish | 23 (15 Pro) va 29 (15 Pro Max) soatgacha |
Striming rejimida video koʻrish | 20 (15 Pro) va 25 (15 Pro Max) soatgacha |
Audio tinglash | 75 (15 Pro) va 95 (15 Pro Max) soatgacha |
iPhone 15 va 15 Plus singari, iPhone 15 Pro va Pro Max’da iOS 17 oldindan oʻrnatilgan tizim boʻlib, u iPhoneʼning oldingi avlodlari uchun 2023-yil 18-sentabrda foydalanishga topshirilgan.
Koʻplab foydalanuvchilar iPhone haddan tashqari qizib ketayotganligi haqida ijtimoiy tarmoqlarda aytib oʻtishgan[8]. Aksariyat smartfonlarning harorati 47 °C (117 °F) dan oshib ketgan[9][10]. Apple smartfonning titan ramasi qizib ketishiga sabab boʻlmasligini aytib oʻtgan[11]. Kompaniya bunga sabab tariqasida dasturiy xatolik boʻlganini elon qilgan[12].
iPhone bilan simsiz zaryadlash tizimidan foydalanadigan BMW avtomobillarining baʼzi egalari Apple Pay uchun NFC chipi va raqamli avtomobil kalitlari toʻgʻri ishlamay qolishi mumkinligini aniqladilar[13].
IPhone 15 Pro Max uchun chidamlilik sinovi videosi shuni koʻrsatdiki, kontent yaratuvchisi JerryRigEverything orqa oynaga bosim oʻtkazganidan soʻng, orqa oyna yorilishga koʻproq moyil boʻlib chiqdi. Consumer Reports tomonidan oʻtkazilgan qoʻshimcha sinovlar shuni koʻrsatdiki, iPhone 15 Pro Max ning chidamliligi aʼlo darajadaligini koʻrsatgan. Smartfonning orqa oynasi 50 ta CrushTest dan keyin ham sinmagan[14].
GSMarena telefonga 5 yulduzdan 4,5 ball bergan. Telefonning displeyi, kamerasi va dinamiklari maqtovga sazovor boʻlsa-da, uning yuqori narxi zaif nuqta sifatida qayd etilgan[15]. NotebookCheck smartfonga 100 balldan 91 ball berdi va uning chidamliligini yuqori baholadi[16]. Keyinchalik oʻsha YouTuber tomonidan eʼlon qilingan videoda, buning mumkin boʻlgan sababi orqa oynaning endi metall plastinkaga yopishtirilmaganligi, bu oʻzgarish telefondagi ichi boʻsh joylarni bosim ostida qoldirib, orqa oynaning yorilishiga olib kelishi mumkinligi aytilgan.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.