From Wikipedia, the free encyclopedia
Caoimhín Odhrán Kelleher (23-noyabr 1998-yilda tugʻilgan) – Irlandiyalik professional futbolchi, u Premyer-liganing Liverpul klubi va Irlandiya milliy futbol jamoasida darvozabon sifatida oʻynaydi.
_10.jpg) 2021-yil Kelleher Liverpul safida | |||
| Shaxsiy maʼlumot | |||
|---|---|---|---|
| Toʻliq ismi | Caoimhín Odhrán Kelleher | ||
| Tavallud sanasi | 23-noyabr 1998-yil | ||
| Tavallud joyi | Kork, Irlandiya | ||
| Boʻyi | 1.88 m[1] | ||
| Ampluasi | Darvozabon | ||
| Klub maʼlumoti | |||
Joriy klub | Liverpul | ||
| Raqami | 62 | ||
| Yoshligida aʼzo boʻlgan klublar | |||
| –2015 | Ringmahon Rangers | ||
| 2015–2019 | Liverpul | ||
| Professional faoliyati* | |||
| Yillar | Jamoa | Isht. | (Gol.) |
| 2019– | Liverpul | 15 | (0) |
| Milliy terma jamoa | |||
| 2021– | Irlandiya Respublikasi | 14 | (0) |
| *Professional klublardagi gollari (ichki chempionat) | |||
Caoimhín Odhrán Kelleher 1998-yil 23-noyabrda Korkda tugʻilgan va Presentation Brothers kollejida oʻqigan[2][3][4].
Kelleher 2015-yilning yozida Ringmahon Rangersdan Liverpul akademiyasiga qoʻshilgan. U 2018-yilgi mavsumoldi oʻyinlarda Liverpul klubi safida muntazam harakat qilgan va jamoaning yozgi gastrollari uchun Qoʻshma Shtatlarga sayohat qilgan jamoaning bir qismida boʻlgan[5].
2018-yil avgust oyida Liverpul bilan yangi shartnoma imzoladi[6]. U 2019-yilgi UEFA chempionlar ligasi finalida Tottenham Hotspurga qarshi zahira darvozaboni boʻlgan[7]. U chempionlar ligasini qoʻlga kiritgan holda, buni bajargan oʻn ikkinchi Irlandiyalik futbolchisi boʻldi[8].
Garchi u qoʻlining bilak qismidan jarrohlik amaliyotini boshidan kechirib qaytgan boʻlsa-da, Kelleher birinchi darvozabon Alisson yoʻqligi tufayli 2019-yilda Istanbulda boʻlib oʻtgan UEFA Superkubogida Liverpulning Chelsiga qarshi oʻyinida zaxira oʻrindigʻida edi[9][10].
2020-yil 1-dekabrda u Chempionlar ligasida Ayaksga qarshi oʻyinda oʻz darvozasi daxlsizligini saqlab qoldi[11][12]. Besh kundan soʻng Kelleher Wolverhampton Wanderers qarshi Premer-liga oʻyini uchun asosiy tarkibga kiritildi[13]. U oʻyinda yana bir bor darvozasi daxlsizligini saqlab qoldi, bu uning klubdagi ketma-ket asosiy tarkibdagi uchinchi oʻyini edi[14]. 22 yoshu 13 kunligida Kelleher Liverpulning Premer-ligada oʻz darvozasi daxlsizligini saqlab qolgan uchinchi eng yosh darvozaboni va birinchi ligada buni amalga oshirgan eng yosh darvozabonga aylandi[14]. Bir nechta kuchli oʻyinlardan soʻng, murabbiy Jürgen Klopp Kelleherni Alissondan keyin va Adriandan oldinda ikkinchi tanlovga koʻtarilganini tasdiqladi[15]. Shuningdek, Liverpul Kelleher bilan yangilangan imkoniyatlar asosidagi uzoq muddatli shartnoma imzolashga harakat qilayotgani haqida xabar qilingandi[16].
2021-yil 24-iyun kuni Kelleher klub bilan 2026-yilgacha boʻlgan yangi uzoq muddatli shartnoma imzoladi. „Men uchun bu keyingi bir necha yil davomida kelajagimni klubga bagʻishlash uchun ajoyib imkoniyat boʻldi desam adashmayman. Bu juda katta klub va uning bir qismi boʻlish sharaf. Shuning uchun yana bir necha yilga shartnoma imzolash imkoniyatiga ega boʻlganimdan mamnunman.“ deb aytib oʻtdi[17].
2022-yil 27-fevral kuni Kelleher 2022-yilgi EFL kubogi finalida maydonga tushdi va Chelsiga qarshi penaltilar seriyasida 11-10 hisobida gʻalaba qozonilgan oʻyinda hal qiluvchi penaltini aniq amalga oshirdi[18][19].
2022-yil 9-noyabr kuni Kelleher 2022—2023-yilgi mavsumdagi ilk oʻyinini oʻtkazdi va EFL kubogining uchinchi bosqichida Enfildda Derbi Kaunti klubiga qarshi bahsda 3:2 hisobida penaltilar seriyasida gʻalaba qozonilgan oʻyinda uchta penaltini qaytarishga muvaffaq boʻldi. Hozirda u Liverpul safida toʻrtta oʻyinda jami oltita penaltini saqlab qoldi va bu klub rekordi hisoblanadi. Uning EFL kubogidagi sakkizta oʻyinning toʻrttasi penaltilar seriyasiga toʻgʻri keldi va Liverpul ularning barchasida gʻalaba qozondi[20].
Kelleher 2015-yilgi 17 yoshgacha boʻlgan oʻsmirlar oʻrtasidagi Yevropa chempionatida Irlandiya U-17 terma jamoasi safida maydonga tushgan.
2018-yilning 6-noyabrida u birinchi marta Shimoliy Irlandiyaga qarshi oʻrtoqlik oʻyinida maydonga tushdi. 19-noyabrda esa UEFA Millatlar Ligasi doirasida Daniyaga qarshi oʻyinda Irlandiya Respublikasining asosiy tarkibiga kiritildi[21].
Kelleherning katta akasi Fiacre ham futbolchi[22][23]. Uning yana uchta akasi bor[24].
| Klub | Mavsum | Liga | Umumiy | |||
|---|---|---|---|---|---|---|
| Divizion | Oʻyinlar | Gollar | Oʻyinlar | Gollar | ||
| Liverpul | 2019–2020[25] | Premyer Liga | 0 | 0 | 4 | 0 |
| 2020–2021[26] | Premyer Liga | 2 | 0 | 5 | 0 | |
| 2021–2022[27] | Premyer Liga | 2 | 0 | 8 | 0 | |
| 2022–2023[28] | Premyer Liga | 1 | 0 | 4 | 0 | |
| 2023–2024[29] | Premyer Liga | 10 | 0 | 26 | 0 | |
| Umumiy | 15 | 0 | 47 | 0 | ||
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
