چین کے رموز ڈاک
From Wikipedia, the free encyclopedia
عوامی جمہوریہ چین میں رموز ڈاک (انگریزی: Postal codes in China) (آسان چینی: 邮政编码(邮编); روایتی چینی: 郵政編碼(郵編); پینین: yóuzhèng biānmǎ (yóubiān)) چائنا پوسٹ کی جانب سے استعمال کیے جانے والے رموز ڈاک جو اصل سرزمین چین میں خطوط اور سامان کی ترسیل کے لیے استعمال کیے جاتے ہیں۔
چائنا پوسٹ چھ ہندسوں پر مشتمل چار سطحی عددی نظام استعمال کرتا ہے۔ رمز کے پہلے دو ہندسے صوبہ، صوبے کے مساوی براہ راست زیر انتظام بلدیات یا خود مختار علاقہ کو ظاہر کرتے ہیں، دوسری سطح جو تیسرے ہندسے پر مشتمل ہوتی ہے صوبہ، بلدیہ یا خود مختار علاقے کے اندر پوسٹل زون کو ظاہر کرتی ہے، چوتھا ہندسہ تیسری سطح کو ظاہر کرتا ہے جو پریفیکچر یا پریفیکچر سطح شہر میں ڈاک خانے کو ظاہر کرتا ہے۔ آخری دو ہندسوں چوتھی سطح ہیں جو ترسیل کے لیے مخصوص ڈاک علاقے کی طرف اشارہ کرتے ہیں۔
جمہوریہ چین (جسے عرف عام میں تائیوان کہا جاتا ہے) عوامی جمہوریہ چین کے زیر انتظام نہیں ہے۔ اگرچہ چائنا پوسٹ کے طرف سے رسمی پوسٹل کوڈ تفویض کیے گئے ہیں لیکن وہ استعمال نہیں کیے جاتے۔ جمہوریہ چین کا محکمہ ڈاک چونگہوا پوسٹ ایک مختلف رموز ڈاک نظام استعمال کرتا ہے۔ جمہوریہ چین اور عوامی جمہوریہ چین تمام ڈاک بین الاقوامی ڈاک کے طور پر بھیجی جاتی ہے۔ اصل سرزمین چین سے تائیوان کو بھیجی جانے والی تمام ڈاک کے لیے چونگہوا پوسٹ کی طرف سے مقرر کردہ رموز ڈاک کا استعمال لازمی ہوتا ہے۔ رینج 000000-009999 استعمال میں نہیں ہے کیونکہ یہ اصل میں تائیوان کے لیے مختص کیے گئے تھے۔
999 سے شروع ہونے والے رموز اندرونی رموز ہیں جو بین الاقوامی ڈاک کے لیے استعمال کیے جاتے ہیں (بشمول عوامی جمہوریہ چین کے خصوصی انتظامی علاقہ جات اور تائیوان)۔