میکانکی انجینئری

میکانی انجینئری ،انجینئری کی وہ شاخ ہے جس میں طبیعیات اور اموادی علم (material sciences) کے اصولوں کو استعمال کرتے ہوئے کسی بھی میکانکی نظام کا تجزیہ، ڈیزائن ،مینوفیکچرنگ اور دیکھ بھال کرتے ہیں۔ یہ انجینئری کی وہ شاخ ہے جس میں کسی بھی چیز کو ڈیزائن کرنے یا اسے بنانے یا پھر مشینوں اور ٹولز کو چلانے سے حرارت یا تو پیدا ہوتی ہے یا پھر استعمال ہوتی ہے۔ یہ انجینئری کی سب سے بڑی اور پرانی شاخ ہے-

یہ انجینئری کی وہ شاخ ہے جس کے لیے مندرجہ ذیل مضامین کا سمجھنا بہت ضروری ہے جیسا کہ میکانیات، جنبشیات (kinematics)، ڈائنامکس، حر حرکیات (thermodynamics) ، اموادی علم، سٹرکچرل سائنس اور بجلی۔ میکانی انجینئری بنیادی اصول اور مختلف ٹولز جیسا کہ کمپیوٹر ایڈڈ ڈیزائن، پروڈکشن لائف سائیکل کو مینوفیکچرنگ پلانٹس، صنعتی مشینری ،گرم اور ٹھنڈا کرنے والے نظام، نقل و حمل ، ہوائی جہاز، بحری جہاز، خود کار آلات ، روبالہ اور طبی آلات بنانے میں استعمال کیا جاتا ہے۔ مکینیکل انجینئری ایک الگ میدان کے طور پر اٹھارویں صدی میں یورپ میں صنعتی انقلاب کے دوران نمودار ہوئی- لیکن اس کا ارتقا ہزاروں سال پرانا ہے۔ مکینیکل انجینئری سائنس انیسویں صدی میں طبیعیات میں ترقی کے باعث سامنے آئی- مکینیکل انجینئری مختلف شعبوں میں مسلسل ترقی جاری رکھے ہوئے ہے جیسا کہ کومپوسیٹس، آلاقیات (mechatronics) اور نینو ٹیکنالوجی۔ مکینیکل انجینئری، ہوا فضائی انجینئری (aerospace engineering) ، میٹالرجی انجینئری، آبی انجینئری (marine engineering) ، مدنی انجینئری ،برقی انجینئری ، پٹرولیم انجینئری ،مینوفیکچرنگ انجینئری اور کیمیائی انجینئری کا بھی کسی حد تک احاطہ کرتی ہے۔

تصاویر

میکانکی انجینئروں کے بنے ہوئے پاور پلانٹس۔

بحری جہاز کا ڈھانچہ