ادارہ فروغ قومی زبان
پاکستانی سرکاری ادارہ / From Wikipedia, the free encyclopedia
ادارہ فروغ قومی زبان ، حکومت پاکستان کی قومی ورثہ و ثقافت ڈویژن، وفاقی وزارت تعلیم، پیشہ ورانہ تربیت، قومی ورثہ اور ثقافت کے ماتحت ادارہ ہے جس کا نصب العین ملک میں اردو زبان کی ترویج ہے۔ اس ادارہ کا قیام 4 اکتوبر 1979ء کو آئین پاکستان 1973ء کے آرٹیکل 251 کے تحت عمل میں آیا تاکہ قومی زبان 'اردو' کے بحیثیت سرکاری زبان نفاذ کے سلسلے میں مشکلات کو دور کرے اور اس کے استعمال کو عمل میں لانے کے لیے حکومت کو سفارشات پیش کرے، نیز مختلف علمی، تحقیقی اور تعلیمی اداروں کے مابین اشتراک و تعاون کو فروغ دے کر اردو کے نفاذ کو ممکن بنائے۔ ادارے نے اپنے مقاصد کی بجاآوری کے لیے اب تک سات سو کے قریب عنوانات کے کتابیں شائع کی ہیں جس میں ایک سو زائد لغات، فراہنگ اور کشاف شامل ہیں۔ قومی انگریزی اردو لغت، قانونی انگریزی اردو لغت، فرہنگ تلفظ، اردو چینی لغت وغیرہ قابل ذکر مذکورہ لغات کے علاوہ چار درجن سے زائد کتابیں ادارے کی ویب گاہ پر آن لائن موجود ہیں۔ روفیسر ڈاکٹر محمد سلیم مظہر اس ادارے کے موجودہ ڈائریکٹر جنرل ہیں۔
ادارہ فروغ قومی زبان | |
---|---|
مخفف | NLPD |
صدر دفتر | ایوان ِ اُردو، ادارہ فروغِ قومی زبان، پطرس بخاری روڈ، سیکٹر ایچ ایٹ/فور، اسلام آباد |
تاریخ تاسیس | اکتوبر 4، 1979؛ 44 سال قبل (1979-10-04) |
قسم | علمی و ادبی ادارہ |
مقاصد | اردو کابطور قومی زبان فروغ، ترویج اور اشاعت |
خدماتی خطہ | پاکستان |
ڈائریکٹر جنرل | پروفیسر ڈاکٹر محمد سلیم مظہر |
باضابطہ ویب سائٹ | http://www.nlpd.gov.pk |
درستی - ترمیم |