From Wikipedia, the free encyclopedia
عظیم وادئ شق (انگریزی: Great Rift Valley) ایک گہری گھاٹی ہے جو جنوب مغربی ایشیا اور مشرقی افریقہ میں شمالاً جنوباً پھیلی ہوئی ہے۔ اس کی لمبائی 6 ہزار کلو میٹر (3700 میل) ہے۔ یہ عظیم گھاٹی جنوب مغربی ایشیا میں لبنان سے شروع ہو کر مشرقی افریقہ میں وسطی موزمبیق پر جا کر ختم ہوتی ہے۔ اس کی چوڑائی 30 سے 100 کلومیٹر تک ہے اور اس کی گہرائی چند میٹر سے ہزاروں میٹر کے درمیان ہے۔ اس کو عظیم وادئ شق (Great Rift Valley) کا نام برطانوی ماہر ارضیات جان والٹر گریگوری نے دیا۔
لبنان میں وادئ بقا سے شروع ہو کر یہ وادی وادئ اردن، بحیرہ مردار، خلیج عقبہ اور بحیرہ احمر تک پہنچتی ہے جس کے بعد یہ مشرقی افریقہ میں داخل ہو کر دو حصوں مغربی وادی شق اور مشرقی وادی شق میں تقسیم ہو جاتی ہے۔ مغربی وادی شق میں عظیم جھیلیں واقع ہیں جن میں جھیل وکٹوریہ اور ٹانگانیکا قابلِ ذکر ہیں۔ افریقہ کی یہ تمام عظیم جھیلیں اس شق کے باعث وجود میں آئیں۔
یہ عظیم وادی لاکھوں سالوں سے زمین کی دو پرتوں کی حرکت کے باعث وجود میں آئی۔ اگر زمینی پرتوں کی یہ حرکت جاری رہی تو بالاخر قرن افریقہ براعظم کے دیگر علاقوں سے جدا ہو جائے گا۔
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.