![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/d6/Santa_shahrbanou%2527s_shrine_%25D8%25AD%25D8%25B1%25D9%2585_%25D8%25A8%25DB%258C_%25D8%25A8%25DB%258C_%25D8%25B4%25D9%2587%25D8%25B1%25D8%25A8%25D8%25A7%25D9%2586%25D9%2588_-_panoramio.jpg/640px-Santa_shahrbanou%2527s_shrine_%25D8%25AD%25D8%25B1%25D9%2585_%25D8%25A8%25DB%258C_%25D8%25A8%25DB%258C_%25D8%25B4%25D9%2587%25D8%25B1%25D8%25A8%25D8%25A7%25D9%2586%25D9%2588_-_panoramio.jpg&w=640&q=50)
شہربانو
ساسانی شہزادی / From Wikipedia, the free encyclopedia
شہر بانو یا شہربانو[2] پیغمبر اسلام کے نواسے اور تیسرے شیعہ امام حسین ابن علی کی زوجہ اور چوتھے شیعہ امام اور جانشین حسین ابن علی زین العابدین کی والدہ تھی۔[3] مبینہ طور پر شہربانو خاندان ساسان کی شہزادی تھی جو ساسانی سلطنت، ایران کے آخری بادشاہ یزدگرد سوم کی بیٹی تھی۔[4] شہربانو کا ذکر مصنفین نے کئی دیگر ناموں سے بھی کیا ہے جیسے : شہرباونیہ، [5] شہرناز، شاہزنان، [6] شاہجہان، [7] جہانشاہ، [8] جہان بانو، خولہ، سلافہ، [9] سلامہ، [10] غزالہ، [11]حرار اور سدرہ۔[12]
شہربانو | |
---|---|
(فارسی میں: شهربانو) ![]() | |
معلومات شخصیت | |
پیدائش | ایران ![]() |
تاریخ وفات | سنہ 658ء ![]() |
مدفن | مقبرہ بی بی شہربانو ![]() |
شوہر | حسین ابن علی ![]() |
اولاد | زین العابدین [1] ![]() |
والد | یزد گرد سوم ![]() |
بہن/بھائی | |
پیشہ ورانہ زبان | پہلوی زبان ، کلاسیکی عربی ![]() |
درستی - ترمیم ![]() |
![Thumb image](http://upload.wikimedia.org/wikipedia/commons/thumb/4/46/Shrine-of-Shahr-Banu-AS-Tehran.jpg/640px-Shrine-of-Shahr-Banu-AS-Tehran.jpg)
روایتاً مشہور ہے کہ ان کو فارس کی مسلم فتوحات کے دوران میں قیدی بنایا تھا۔ وہاں شہزادی ہونے کے ناتے اس کو اشراف میں سے کسی بھی مرد سے شادی کے لیے چناؤ کا اختیار دیا گیا تو حسین ابن علی سے شادی کی۔[2] شیعہ مآخذ کی اکثریت یہ بتاتی ہے کہ اس کے بعد شہربانو اپنے بیٹے علی ابن حسین کو جنم دینے کے چند ہی ماہ بعد انتقال کر گئی۔[13][14] اور پیغمبر اسلام کے خاندان کے دیگر افراد کے ساتھ ہی جنت البقیع میں دفن ہوئیں۔ تاہم، کچھ روایات سے پتہ چلتا ہے کہ رے میں مزار ہے۔[2]
شہریانو کو شیعہ اور سنی دونوں فرقوں میں ایک محترم شخصیت کے طور پر دیکھا جاتا ہے اور خاص طور پر ایران میں ان بہت تعظیم کی جاتی ہے، اس کی اہمیت جزوی طور پر اس تعلق سے جڑی ہوئی ہے جس سے وہ اسلام سے قبل پارسیوں اور جدید شیعہ کے درمیان میں فراہم کرتی ہیں۔ تاہم، اس کی تاریخ سازی غیر یقینی ہے۔ اسلامی مصنفین، ابو العباس المبرد، یعقوبی اور محمد بن یعقوب الکلینی وغیرہ نے ان کا ذکر نویں صدی میں جا کر شہربانو اور اس کے شاہی فارسی پس منظر کی نشان دہی کرنا شروع کی۔ تاہم، ابتدائی ماخذ نے علی ابن حسین کی والدہ کا کوئی ذکر نہیں کیا اور نہ وہ ان کی والدہ کا کوئی شاہی نسب منسوب کرتے ہیں۔ اس کی بجائے نویں صدی میں پہلی بار ان کا ذکر سندھ سے لائی گئی قیدی کی حیثیت سے ابن سعد بغدادی اور ابن قتیبہ دینوری نے کیا ہے۔ دائرۃ المعارف ایرانیکا میں اس پر زور دیا گیا کہ شہربانو بلا شبہ افسانوی شخصیت ہے۔[2]