دار المصنفین شبلی اکیڈمی
From Wikipedia, the free encyclopedia
دار المصنفین شبلی اکیڈمی ایک علمی و تحقیقی ادارہ ہے جو بھارت کے شہر اعظم گڑھ میں واقع ہے۔[1] اس ادارے کا قیام علامہ شبلی نعمانی کا دیرینہ خواب تھا۔[2] دارالمصنفین کے قیام کی بات علامہ شبلی نے سب سے پہلے 1910ء میں ندوۃ العلما کے اجلاس میں کی تھی۔ شبلی نے اپنی موروثی جائداد میں ہی دارالمصنفین کی بنیاد رکھ دی۔ تعمیر کا کام بھی شروع ہو گیا، لیکن ابھی وقف نامہ ہی زیرِ تحریر تھا کہ 18 نومبر 1914 ء کو دارالمصنفین کی تکمیل کی حسرت لیے ہوئے قوم کا نیرِ تاباں غروب ہو گیا۔ لیکن ان کے شاگردوں کے ہاتھوں یہ پایۂ تکمیل کو پہنچا۔