From Wikipedia, the free encyclopedia
خالصتان ریفرنڈم ایک غیر سرکاری ریفرنڈم ہے جس کا اہتمام سکھس فار جسٹس نامی نتظیم نے متعدد ممالک میں ہندوستان کے اندر سے خالصتان کے نام سے ایک آزاد سکھ ریاست کے ممکنہ قیام کے حوالے سے کیا۔ [1] اس ریفرنڈم کا مقصد خالصتان کے قیام کے لیے تارکین وطن سکھوں کے درمیان اتفاق رائے پیدا کرنا ہے۔ اس ریفرنڈم سے نئی دہلی اور اوٹاوا کے درمیان تعلقات میں کافی کشیدگی پیدا ہو گئی ہے۔ [2]
سکھس فار جسٹس (SFJ)، جس پر 2019 ءمیں بھارت میں پابندی عائد کر دی گئی تھی، پنجاب اور دنیا بھر کے بڑے شہروں میں ریفرنڈم کرانے کا ارادہ رکھتی ہے۔ ہندوستانی حکومت نے کینیڈا پر الزام لگایا ہے کہ وہ انتہاپسندوں کو ایسی سرگرمیوں کی اجازت دے رہا ہے جو "انتہائی قابل اعتراض" اور "سیاسی طور پر محرک" ہیں، جو ہندوستان کی سالمیت کے لیے خطرہ ہیں۔ جبکہ کینیڈا کے حکام نے اس ریفرینڈم کا دفاع آزادی اظہار رائے کے طور پر کیا گیا، خالصتانی مہم کی وجہ سے نئی دہلی اور اوٹاوا کے درمیان تعلقات میں کشید گی پیدا ہو گئی ہے۔ SFJ اور اس کے بانی گروپتونت سنگھ پنون کے خلاف بھارت میں متعدد مقدمات درج ہیں۔ [3][4][5]
19 ستمبر کو برامپٹن میں خالصتان ریفرنڈم میں ایک لاکھ افراد نے شرکت کی تاکہ بھارت میں سکھوں کے لیے علاحدہ ملک کی ضرورت کی حمایت کی جا سکے۔ کینیڈا میں سکھوں کی آبادی کا 20% یا تقریباً 110,000 ہے جو ایک آزاد قوم کے حق میں ووٹ ڈالتے ہیں۔ [1]
9 جنوری 2022ء کو، برطانیہ کے شہروں لیڈز اور لوٹن نے خالصتان ریفرنڈم کے آٹھویں دور کی میزبانی کی۔ کشمیر میڈیا سروس کی ایک رپورٹ کے مطابق 31 اکتوبر 2016ء کو لندن میں خالصتان ریفرنڈم کے پہلے مرحلے میں تقریباً 30 ہزار سکھوں نے حصہ لیا۔ [6][1]
آسٹریلیا میں خالصتان کی آزادی کے لیے ریفرنڈم 29 جنوری کو میلبورن کے فیڈریشن اسکوائر میں ہوا۔ [7]
ایڈوکیسی گروپ سکھ فار جسٹس کے اقدام پر اٹلی کے دار الحکومت روم میں تقریباً 17 ہزار سکھوں نے خالصتان ریفرنڈم میں حصہ لیا۔ [8][9]
10 دسمبر 2022ء کو جنیوا، سوئٹزرلینڈ میں 6,000 سے زیادہ ووٹروں نے ایک خود مختار سکھ ریاست کا انتخاب کیا۔ سوئٹزرلینڈ اور پڑوسی ممالک فرانس، اٹلی اور جرمنی سے 6,000 سے زیادہ سکھوں نے شدید برف باری اور بارش کے طوفان کے باوجود خالصتان ریفرنڈم میں ووٹ ڈالنے کے لیے جنیوا میں جمع ہوئے۔ [10][11]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.