افرو۔ایشیائی زبانیں

افرو۔ ایشیائی زبانیں (Afro-Asiatic languages) زبانوں کی خاندانی درجہ بندی میں ایک اہم حیثیت کا حامل ہے۔ اس میں 375 سے زیادہ زبانیں شامل ہیں اور ان زبانوں کو 35 کروڑ سے زیادہ لوگ بولتے ہیں جن میں سے صرف عربی زبان کو 21 کروڑ سے زیادہ لوگ بولتے ہیں۔ ان زبانوں کے زیادہ بولنے والے شمالی افریقہ، عرب، شمال مغربی ایشیا اور قرنِ افریقہ کے علاقوں میں رہتے ہیں۔ پہلے اس درجہ بندی کا نام ہمیتو۔ سامی زبانیں تھا جسے بدل کر افرو۔ ایشیائی زبانیں رکھ دیا گیا ہے۔ بعض لوگ اسے افروشیائی زبانیں بھی کہتے ہیں۔ اس کی سب سے اہم زبان عربی ہے جو اس کے ایک ذیلی خاندان سامی زبانوں میں شامل ہے۔

افرو۔ایشیائی Afroasiatic
جغرافیائی تقسیم:	قرن افریقہ, شمالی افریقہ, ساحل, مشرق وسطی
لسانی درجہ بندی:	دنیا کےخاندانہائے زبان میں سے ایک بڑا خاندان
سابقہ اصل-زبان:	پروٹو افرو۔ایشیائی
ذیلی تقسیمات:	بربر چاڈیہ کوشیائی مصری (معدوم) اموتائی سامی
آیزو 639-2 / 5:	afa

افریقی ایشیائی زبانیں مشرق وسطیٰ اور شمالی افریقا سے تعلق رکھنے والی زبانوں کا گروہ ہے۔ اس خاندان کی سامی شاخ کی زبانیں سعودی عرب، فلسطین، عراق، اسرائیل، شام، مصر، اردن، الجزائر میں اور حامی شاخ لیبیا، مصر، ایتھوپیا میں پھیلی ہوئی ہیں ۔

ذیلی خاندان

اس کے ذیلی خاندان درج ذیل ہیں۔

• بربر زبانیں
• چاڈیہ زبانیں
• کوشیائی زبانیں
• مصری زبانیں
• اموتائی زبانیں
• سامی زبانیں
• افرو۔ایشیائی غیر درجہ بند زبانیں

مزید دیکھیے

• زبان
• لسانیات
• خاندانہائے زبان

بیرونی روابط

• زبانوں کی ایتھنولوگ خاندان بندی

حوالہ جات

ویکی ذخائر پر افرو۔ایشیائی زبانیں سے متعلق سمعی و بصری مواد ملاحظہ کریں۔