From Wikipedia, the free encyclopedia
آجیویک (ہندی: आजीविक ) ناستِک یا عام عقیدے سے ہٹ کر قدیم ہندوستانی فلسفہ تھا۔[2] ۔ یہ قدیم ہندوستانی ہلاکت پسندی کا ایک مکتب فکر بھی رہا ہے۔[3] شواہد سے ثابت کیا گیا ہے کہ اس کی تاسیس پانچویں صدی قبل مسیح میں مکھلی گوشال نے رکھی تھی۔[3] یہ ایک شرمن تحریک تھی۔ یہ ابتدائی بدھ مت اور جین مت سے سیدھے مد مقابل رہا ہے۔[4] آجیویک منظم تارکین الدنیا تھے جو اپنی الگ شناخت والے سماج کی تعمیر کر چکے تھے۔ [5]
یہ سمجھا جاتا ہے کہ آجیویک مکتب فکر کے فلسفے اصلی دستاویز کسی زمانے میں رہے تھے، مگر جدید دور میں یہ عدم دست یاب ہیں اور شاید مفقود ہو چکے ہیں۔ ان کے نظریات کو ہندوستان کے قدیم ادب سے ثانوی ماخذ کے طور پر آجیویکا کے تذکروں سے لیا گیا ہے۔[6] ماہرین اکثر یہ استفسار کرتے ہیں کہ کیا فی الواقع آجیویک فلسفے کو مناسب انداز میں اور مکمل طور پر خلاصے کے طور پر ان ثانوی مآخذ میں شامل کیا گیا ہے، کیوں کہ انھیں اس زمرے کے لوگ (جیسے کے بدھ مت اور جین مت کے پیرو کار) لکھ چکے ہیں جو ان سے مقابلہ کر رہے تھے اور آجیویکی فلسفے اور مذہبی مراسم سے متصادم تھے۔ اس لیے یہ ممکن ہے کہ دست یات معلومات میں سے زیادہ تر آجیویکوں سے متعلق کسی نہ کسی درجے تک صحیح نہیں ہے اور اس وجہ آجیویکوں کے کردار کی کوئی بھی تصویر کشی کو غور سے اور تنقیدی نگاہوں سے لی جانی چاہیے۔
آجیویک مکتب فکر کو مکمل تقدیر کی نیتی ("انجام") کے لیے جانا جاتا ہے۔ [3] اس کے پس پردہ یہ سوچ ہے کہ آزاد مرضی جیسی کوئی چیز نہیں ہے اور جو کچھ ہوا ہے، ہو رہا ہے یا ہو کر رہے گا وہ مکمل طور پر مقدر میں لکھا جا چکا ہے اور یہ تخلیق کے اصولوں میں شامل ہے۔[3][6] آجیویک کرما کے فلسفے میں غلط مانتے تھے۔ آجیویک کے الٰہیات میں یہ نظریہ شامل تھا جو ویشیشک مکتب فکر کا بھی ہے۔ اور وہ یہ کہ ہر چیز سالموں سے بنی ہے اور صفات سالموں کے مجموعوں سے ابھرتی ہیں، مگر یہ مجموعے اور ان سالموں کی فطرت قدرتی طاقتوں کی جانب سے پہلے سے طے ہے۔[7] آجیویک ملحد تھے۔[8] وہ لوگ یہ مانتے تھے کہ ہر ذی حیات ایک آتما ہے – جو ہندو مت اور جین مت کا کلیدی عقیدہ ہے۔[9][10][11]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.