مسرت ناز

اردو ، پنجابی اور انگریزی کی معروف ادیبہ و شاعرہ

مسرت ناز کا تعلق گجرانوالہ پنجاب (پاکستان) سے ہے ۔ ان کے والد محترم کا نام عطا محمد، والدہ محترمہ کا نام صفیہ نور اور خاوند محترم کا نام بابر محمود ہے ۔ وہ 6 بہن بھائی ہیں جن میں وہ چوتھے نمبر پر ہیں ۔ ان کی مادری زبان پنجابی ہے ۔ ایف اے تک تعلیم حاصل کی ہے اور شادی کے بعد امور خانہ داری میں مصروف ہو گئیں ۔ ایک بیٹی کی ماں ہیں ۔ ان کے خاندان میں عورت کے شعر و شاعری کو معیوب سمجھا جاتا ہے اس لیے انھوں نے اپنے گھر والوں سے چھپ کر لکھنا شروع کیا۔ لکھنے کا عمل انھوں نے 13 سال کی عمر سے کیا۔ شاعری میں انھوں نے پہلے علامہ ماجد الباقری اور بعد میں جان کاشمیری سے اصلاح لی ۔ مسرت ناز حمد ، نعت، گیت، غزل، ملے نغمے ، افسانے اور بچوں کی کہانیاں لکھتی ہیں۔ ان کے یہاں 20 کتابوں کا مواد موجود ہے جن میں سے اب تک ان کی 5 کتابیں شائع ہو چکی ہیں جن میں

• 1 روحانی دعائیں (اسماء الحسنی پر مشتمل)
• 2 ۔ میری سوچ (اقوال زریں پر مشتمل)
• 3 . من کی راکھ (شعری مجموعہ)
• 4 . عطائے نور(نعتیہ کلام پر مشتمل)
• 5 ۔ گلدستہ(بچوں کی کہانیوں پر مشتمل) شامل ہیں۔

ان کا دعوی ہے کہ وہ پاکستان کی پہلی خاتون لکھاری ہیں کہ جن کی 10 کتابیں " ون لائن" کے تحت لکھی گئی ہیں اور گیارہویں لکھ رہی ہیں ۔ ان کا کہنا ہے کہ ان کی بقیہ 15 کتابوں کے مسودے تیار ہیں اور جلد شائع ہو کر مارکیٹ میں دستیاب ہوں گی۔