From Wikipedia, the free encyclopedia
محمد بابا سماسی سلسلہ نقشبندیہ کے بڑے مشائخ کرام میں شمار ہوتے ہیں جو بابا سماسی کے نام سے معروف ہیں۔
محمد بابا سماسی کی جائے ولادت سماس(سِمّاس سین کے نیچے زیر اور میم مشدد ہے) ہے۔ جو دیہات رامتین میں سے ہے۔ شہر بخارا سے نو میل کے فاصلہ پر واقع قریہ سماس میں آپ کی ولادت 25 رجب 591ھ بمطابق 1195ء کو ہوئی۔ اسی نسبت سے آپ کو بابا سماسی کہتے ہیں۔
خواجہ بابا سماسی حضرت عزیزاں کے باکمال خلیفہ اور اصحاب فضل و شرف نقشبندیہ شمار کیے جاتے ہیں جب حضرت عزیزاں کا وقت رحلت آیا تو انھیں اپنا خلیفہ منتخب کیا اور تمام اصحاب کو ان کی متابعت کا حکم دیا۔
شاہ نقشبند کی جائے ولادت قصر ہندوان جو بخارا سے تین میل کی فاصلہ پر ہے، سے گذرتے ہوئے فرماتے تھے۔ ازیں خاک بوے مردے مے آید زود باشد کہ محل ہندواں قصر عارفاں شود اس زمین سے ایک مرد کی خوشبو آتی ہے جلدی ایسا ہوگا کہ کوشک ہندواں قصر عارفاں بن جائیگا۔ چنانچہ جب شاہ نقشبند کی ولادت ہوئی اور آپ کے جد امجد آپ کو دعائے برکت کے لیے بابا سماسی کے پاس لائے تو بابا سماسی نے شاہ نقشبند کو اپنی فرزندی میں قبول فرمایا اور ان کے متعلق ارشاد فرمایا یہ لڑکا عنقریب اپنے وقت کا امام مقتدیٰ بنے گا۔[1]
جذبات و وارادت کا آپ پر غلبہ رہتا تھا۔ عزیزان علی رامتینی کے اکابر خلفاء میں شمار ہوتا ہے۔ عزیزان علی رامتینی نے رحلت کے وقت آپ کو اپنا جانشین مقرر فرمایا اور اپنے تمام مریدین کو آپ کی ارادت کا امر فرمایا بابا سماسی نے بطور خاص اپنے خلیفہ نائب امیر کلال سے فرمایا تھا ”تم میرے اس فرزند بہاؤ الدین کے حق میں تربیت و شفقت میں ہرگز کوتاہی نہ کرنا“ چنانچہ امیر کلال نے آپ کی عمدہ تربیت کی اور الحمد للہ آپ کی یہ پیشینگوئی سو فی صد درست ثابت ہوئی اور قصر عارفاں بخارا سے نقشبندی فیض دنیا بھر میں پھیلا اور پھیل رہا ہے۔[1]
آپ کا سن وصال 10 جمادی الثانی 755ھ لکھا ہے بمطابق1354ءہے آپ کا مزار بھی قریہ سماس میں زیارت گاہ خاص و عام ہے۔[2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.