شعبۂ عاجلہ

شعبۂ عاجلہ (emergency department) طبی شعبۂ علم سے تعلق رکھنے والا ایک شعبہ ہے جسے اختصاصات طب میں شمار کیا جاتا ہے اور ہنگامی حالت میں انتہائی ضروری ہے۔ اس شعبے کی جانب سے فراہم کی جانے والی خدمات، فوری طور پر (جان بچانے کی خاطر) مہیا کرنا ناگزیر ہوتی ہیں۔ شعبۂ عاجلہ کسی شفاخانے کا حصہ بھی ہو سکتا ہے اور یا پھر یہ کسی ابتدائی نگہداشت (primary care)، جیسے مطب وغیرہ میں بھی قائم کیا جا سکتا ہے۔ عام طور پر بڑے شفاخانوں میں اس کے لیے شعبے کی اصطلاح اختیار کیا جاتی ہے جبکہ ابتدائیییییی نگہداشت کے علاقائی یا چھوٹے مراکز میں اس کی ساخت ایک ملحقہ کمرے پر بھی مشتمل ہو سکتی ہے جس کے لیے کمرۂ عاجلہ کی اصطلاح بھی دیکھنے میں آتی ہے۔ شعبۂ عاجلہ سے تعلق رکھنے والا علم، طبِ عاجلہ (emergency medicine) کہلایا جاتا ہے۔ عاجلہ کا لفظ عربی سے آیا ہے اور عجل سے بنا ہے جسے ؛ جلدی، فوری اور حادثاتی یا اچانک نمودار ہونے والی شے یا مظہر پر ادا کیا جاتا ہے، اردو میں بھی عجل اور عاجل سمیت عاجلہ^[1] کا لفظ بھی لغات میں ملتا ہے۔
جیسا کہ مذکورہ بالا بیان میں تذکرہ آیا شعبۂ عاجلہ اصل میں فوری یا اچانک نمودار ہونے والی طبی کیفیات کا فوری معالجہ فراھم کرنے والا شعبہ ہے اور اسی وجہ سے اردو میں اس کے لیے دیگر نام، جیسے ؛ شعبۂ ہنگامی طبی امداد، شعبۂ حادثات وغیرہ بھی دیکھنے میں آتے ہیں مگر ان الفاظ کو عام فہم ہونے کے باوجود emergency department کا درست متبادل اس لیے نہیں لیا جا سکتا کہ حادثات کا لفظ accident کے لیے موزوں ہے نا کہ emergency کے لیے۔ ایک اور وجہ لفظ ہنگامی یا حادثاتی کے emergency کے لیے اختیار کیے جانے پر دیگر الفاظ کے متبادلات میں پیدا ہونے والی پیچیدگی ہے، مثال کے طور پر emergency light reflex جیسے الفاظ، یہاں مفہوم عجلت یا عاجلہ کا ہے نا کہ حادثے یا ہنگامے کا۔ مزید یہ کہ اس کے لیے ایک اور لفظ انگریزی میں بھی خاصا منفرد ہے پایا جاتا ہے اور وہ casualty department کا ہے اسے صرف casualty بھی کہہ دیا جاتا ہے، اردو میں اس کا متبادل شعبۂ اصابات ہے اسے صرف اصابات بھی کہا جا سکتا ہے۔ لفظ اصابات اصل میں اصابت سے بنا ہے جو بذات خود صبت سے ماخوذ ہوا ہے اور عربی سے آیا ہے، اردو میں اسی سے مصائب اور مصیبت جیسے الفاظ بھی بنائے جاتے ہیں ؛ لفظ اصابت اردو لغات میں بھی مستعمل ہے۔

اصطلاح	term
عاجلہ شعبۂ عاجلہ عاجلہ جَناح (نگرانگاہ) کمرۂ عاجلہ شعبۂ حادثہ و عاجلہ حادثہ و عاجلہ شعبۂ اصابات اصابات	emergency emergency department emergency ward emergency room accident & emergency      department accident & emergency casualty department casualty

حوالہ جات

1. ایک موقع آن لائن برائے اردو لغت پر لفظ عاجلہ کا اندراج۔