جنگ نہروان

جنگ نہروان خلیفہ چہارم علی بن ابی طالب اور خوارج کے درمیان میں 9 صفر 38ھ (659ء) کو لڑی گئی۔ خوارج کوفہ کے زاہدوں کی ایک جماعت تھی، جو علی بن ابی طالب کی اطاعت سے اس وقت نکل گئے جب علی بن ابی طالب اور امیر معاویہ کے درمیان میں دو فیصلہ کرنے والوں کو مقرر کیا گیا، اس کا سبب یہ تھا کہ جب علی بن ابی طالب اور امیر معاویہ کے درمیان میں جنگ طول پکڑ گئی تو دونوں فریق اس پر متفق ہو گئے کہ خلافت کس کا حق ہے؟ اس کا فیصلہ کرنے کے لیے ابوموسیٰ اشعری اورعمرو بن العاص کو مقرر کر دیا جائے اور دونوں فریق ان کا فیصلہ پر راضی ہوں گے اس وقت خوارج نے کہا : "حکم صرف اللہ کا ہے" علی بن ابی طالب نے فرمایا : یہ کلمہ برحق ہے لیکن انس سے جس معنی کا ارادہ کیا گیا ہے وہ باطل ہے، خوارج کی تعداد بارہ ہزار تھی، انھوں نےعلی بن ابی طالب کی خلافت کا انکار کیا اور اپنی مخالفت کا جھنڈا نصب کر دیا اور خون ریزی اور ڈاکے مارنا شروع کر دیے علی المرتضی نے فرمایا کہ یہ لوگ اپنے فیصلہ سے رجوع کر لیں۔ مگر یہ لوگ جنگ کرنے کے سوا کسی بات سے راضی نہیں ہوئے۔ پھر علی المرتضی نے نہروان کے علاقہ میں ان سے جنگ کی، نہروان بغداد کے قریب ایک شہر ہے، علی المرتضی نے ان میں سے اکثر کو قتل کر دیا اور ان میں سے بہت کم زندہ بچے^[2] اس فرقہ کا سرغنہ عبداللہ بن شداد کوفی تھا پہلے تو علی بن ابی طالب نے اس فرقہ کی فہمایش کے لیے عبد اللہ بن عباس کو حروراء مقام پر بھیجا یہ حروراء وہ جگہ ہے جہاں ان لوگوں نے سکونت اختیار کی تھی اس سبب سے یہ فرقہ حروریہ کہلاتا ہے عبداللہ بن عباس کی فہمایش سے یہ لوگ چند روز کے لیے راہ راست پر آ گئے اور پھر ان لوگوں نے مسلمانوں کا قتل راہزنی اور طرح طرح کے فساد برپا کیے جن کے سبب سے علی المرتضی نے ان پر چڑھائی کی اور نہروان مقام پر اس فرقہ کی اور علی بن ابی طالب کی لڑائی ہوئی اس لڑائی میں خارجی فرقہ کے لوگ یہاں تک قتل ہوئے کہ صرف دس بارہ آدمی ان میں سے بچ گئے

جنگ نہروان
سلسلہ پہلا فتنہ
تاریخ 659ء مقام نہروان، عراق نتیجہ مسلمانوں کی فتح
مُحارِب
امام یا خلافت راشدہ	خارجی
کمان دار اور رہنما
علی بن ابی طالب حسن ابن علی الاشتہ ابن قیس الکندی[1]	عبد اللہ بن وھب الراصبی عبد اللہ بن العباد ہرکس بن زہیر عبد اللہ بن شجرہ

A 1909 photograph of the Nahrawan Canal

بعد میں

جنگ کے بعد، امام علی علیہ السلام نے اپنی فوج کو حکم دیا کہ وہ شام کی طرف ان کے ساتھ روانہ ہو جائے۔ تاہم، فوجیوں نے تھکن کے باعث انکار کر دیا اور کہا کہ وہ کوفہ میں اپنی توانائیاں بحال کرنے کے بعد شام کی مہم کے لیے تیار ہوں گے۔ امام علی نے ان کی یہ بات مان لی اور نخیلہ کی طرف چلے گئے، جو کہ کوفہ کے باہر ایک جمع ہونے کی جگہ تھی، اور اپنے سپاہیوں کو آرام کرنے اور کبھی کبھار اپنے گھروں کو جانے کی اجازت دے دی۔ مگر فوجی مہم میں جانے کے لیے آمادہ نہ تھے اور چند دنوں میں کیمپ تقریباً خالی ہو گیا۔ نتیجتاً، امام علی کو اپنے منصوبے کو ترک کرنا پڑا۔ امام علی کے سابق اتحادیوں اور قرآن پڑھنے والوں کے قتل عام نے ان کی بطور خلیفہ حیثیت کو کمزور کر دیا۔ بالآخر انہیں خارجی منحرف ابن ملجم نے جنوری 661 میں شہید کر دیا۔

اگرچہ خارجیوں کو کچل دیا گیا تھا، ان کی بغاوت کئی سالوں تک جاری رہی اور جنگ نہروان نے ان کے مسلم معاشرے سے الگ ہونے کو مستحکم کر دیا۔ ان میں سے بہت سے افراد نے شہری زندگی کو ترک کر دیا اور ڈاکہ زنی، لوٹ مار، آباد علاقوں کی تباہی اور دیگر ریاست مخالف سرگرمیوں میں ملوث ہو گئے، جو امام علی کے دورِ خلافت اور بعد میں معاویہ (661ء–680ء) کے دور تک جاری رہیں، جو امام علی کی شہادت کے چند ماہ بعد خلیفہ بن گیا۔ دوسرے فتنہ کے دوران، خارجیوں نے عرب اور فارس کے بڑے حصوں پر قبضہ کر لیا تھا، لیکن بعد میں عراق کے اموی گورنر، حجاج ابن یوسف کے ذریعے انہیں زیر کر لیا گیا۔ تاہم، انہیں مکمل طور پر دسویں صدی تک ختم نہیں کیا جا سکا۔

حوالہ جات

1. Modern Intellectual Readings of the Kharijites – Hussam S. Timani – Google Books
2. تفسیر تبیان القرآن، غلام رسول سعیدی سورہ غافر:12

بیرونی روابط

• Article on the Battle of Nahrawan Play & Learn Website

34.521389°N 43.784167°E / 34.521389; 43.784167