From Wikipedia, the free encyclopedia
ثلاء (انگریزی: Thula) یمن کے ان پانچ قصبوں میں سے ایک ہے جو یونیسکو کی میراث الدنیا کی تجرباتی فہرست میں شامل ہیں۔[1] حمیری دور سے اب تک یہ قصبہ بہت بہترین انداز سے محفوظ ہے اور اس میں روایتی مساجد اور مکانات ہیں۔[1] ماہرین آثار قدیمہ نے تحقیق کے دوران حمیری تعمیرات کے نیچے سبائی دور کے آثار بھی دریافت کیے ہیں۔[2][3] 2004ء سے 2011ء کے دوران اس کی تعمیر نو میں دروازہ باب المایا، بہت سی دید گاہیں، رستے، روائیتی حوض (حوض جادن) اور سبائی دور کے دوسرے بہت سے آثار کی تعمیر نو کی گئی ہے۔[3]
ثلاء شہر کے سات دروازے ہیں۔ اس میں متصل تین سے پانچ منزلہ مکانات ہیں جن کے درمیان تنگ گلیاں ہیں۔ بہت سی عمارتوں کا سامنے کا حصہ قوسی ہے۔ عمارات میں پتھروں پر نقاشی بھی دیکھی جا سکتی ہے۔ مختلف النوع ستون بھی عمارات کا حصہ ہیں۔ دفاعی حصار میں دروازے اور گنبد کے علاوہ مساجد،ائمہ کی پرانی جگہیں، حوض، تالاب اور گرم غسل خانے اور بازار ہیں۔ شہر کے گرد 2000 میٹر لمبی، 5 تا 7 میٹر اونچی اور 3 میٹر چوڑی دیوار ہے جس میں 26 دید گاہیں اور 9 دروازے ہیں۔
اس قصبہ کو یونیسکو کی عالمی ورثہ کی آزمائشی فہرست اور تہذیبی ورثہ کے زمرہ میں 8 جولائی 2002ء کو شامل کیا گیا۔[1]
قابل دید مقامات میں سے قلعہ مطاہر بن شرف الدین، باب المصرا، باب المایہ، باب الحادی، کوہستانی گھر، مقبرہ محمد ابن الحادی، حوض جادن، مسجد السعید، مسجد امام سید الکینائی مشہور ہیں۔[4]
ایک چھوٹا سا قلعہ جو پہاڑی کے سامنے واقع ہے اور پہاڑی کے ساتھ ہی آمیزش کے باعث واضع نظر نہیں آتا۔ اس تک پہنچنے کے لیے سیاحوں کو شہر کی دیوار سے باب الحُسن سے نکل کر چٹان میں تراشیدہ پرانی سیڑھیوں سے جانا پڑتا ہے۔ قلعہ بذات خود شائد اتنا دلکش نہ ہو لیکن وہاں سے شہر کا نظارہ بہت حسین ہے۔[4]
شہر کے سات دروازوں میں سے سب سے تنگ ہے اور ابھی تک کافی بہتر حالت میں محفوظ ہے۔ یہاں سے شہر کے پیچھے کی پہاڑی کی جانب سیڑھیاں جاتی ہیں۔ یہ بنیادی طور پر شہر کو بیرونی حملہ آوروں سے محفوظ رکھنے کے لیے تعمیر کیا گیا تھا۔ اب یہ شہر میں شامل ہے اور پچھلے دروازہ کی بجائے رابطے کے کام آتا ہے۔[4]
یہ دروازہ شہر کے شمال میں واقع ہے۔ اس کی وجہ شہرت اس کی قلعہ نما بناوٹ ہے۔ المایہ حوض بھی اس کے قریب واقع ہے۔[4]
اسے قلعہ کا داخلی دروازہ کہا جا سکتا ہے۔ اسے سے داخلے کے بعد آپ دیواروں کی ایک راہداری سے مڑتے ہوئے شہر کے حوض الجادن تک آ جاتے ہیں۔ اس دروازے تک پہنچنے سے پہلے کچھ پرانے گھروں اور پرانی دیواروں سے گذرنا پڑتا ہے۔[4]
یہ ایک خوبصورت گھر ہے جس کی بیرونی دیواروں کے لیے قدرتی چٹان کو استعمال کیا گیا ہے۔ پہلی نظر میں یہ ایک کھڑکیوں والی چٹان معلوم ہوتی ہے۔ اسے چٹان میں اس خوبصورتی سے بنایا گیا ہے کہ معلوم نہیں ہوتا کہاں چٹان کا اختتام ہے اور گھر کا آغاز ہے۔ ہو سکتا ہے اس گھر کو آج کل دوسرے بہت سے گھروں کی طرح ایک غار کے طور پر استعمال کیا جاتا ہو۔[4]
جادن حوض کے بالمقابل ایک مسجد میں مقبرہ محمد ابن الحادی واقع ہے۔ اس کا کچھ حصہ سطح زمین سے نیچے ہے جس پر ایک خوبصورت سفید گنبد ہے۔[4]
باب الحادی داخلہ کے بعد شہر میں داخلہ پر بائیں جانب یہ بڑا حوض واقع ہے۔ اسے بارش کا پانی جمع کرنے کے لیے بنایا گیا تھا۔ یہ شہر کے دو کھلے تالابوں میں سے ایک ہے۔ اس کی بناوٹ میں پتھر اور قداد کا ملمع استعمال کیا گیا ہے۔ یو ایس ایڈ اس کی بحالی پر کام کر رہی ہے۔[4]
یہ پتھروں سے بنی ہوئی ایک نیچی مگر انتہائی خوبصورت دو منزلہ عمارت ہے جو بظاہر مسجد معلوم نہیں ہوتی مگر یہ ایک مسجد ہے۔ اس پر بطور نشان کوئی مینار نہیں ہے جس سے اس کی بطور مسجد شناخت ہو سکے۔[4]
ثلاء میں قریباً پچیس مساجد میں سے یہ بھی ایک انتہائی دلکش مسجد ہے جسے اس کے میناروں سے با آسانی پہچانا جا سکتا ہے۔ اس مسجد میں دوسری بہت سی مساجد کی طرح غیر مسلموں کے داخلے پر پابندی ہے۔ اس کی تزین و آرائش قابل دید ہے۔[4]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.