برطانوی راج

نو آبادیاتی دور کے برطانوی علاقوں کے لیے، سلطنت برطانیہ ملاحظہ فرمائیں۔

برطانوی راج یا برطانوی ہند (غیر باضابطہ نام: سلطنت ہندوستان) (انگریزی: British Raj یا British India، باضابطہ نام Indian Empire) کی اصطلاح 1858ء سے 1947ء تک برطانیہ کے زیر نگیں بر صغیر کے لیے استعمال کی جاتی ہے۔

برطانوی راج
1858–1947
ترانہ:
1936ء میں ہندوستان میں برطانوی استعمار
حیثیت	نوآبادی برطانیہ
دار الحکومت	کلکتہ (1858–1912) نئی دہلی (1912–1947) شملہ (موسم گرما)
عمومی زبانیں	ہندی-اردو، انگریزی اور ہندوستان کی زبانیں
حکومت	آئینی بادشاہت
ہندوستان کا شہنشاہ (1876–1947)
• 1858–1901	ملکہ وکٹوریہ 1
• 1901–1910	ایڈورڈ ہفتم
• 1910–1936	جارج پنجم
• 1936	ایڈورڈ ہشتم
• 1936–1947	جارج ششم
وائسرائے 2
• 1858–1862	چارلس کیننگ (اول)
• 1947	لوئس ماؤنٹبیٹن (آخر)
مقننہ	شاہی مقننہ مجلس
تاریخ
• جنگ آزادی ہند 1857ء	10 مئی 1857ء
•	2 اگست 1858
•	15 اگست 1947
• تقسیم ہند	15 اگست 1947ء
کرنسی	برطانوی ہندوستانی روپیہ
ماقبل مابعد کمپنی راج مغلیہ سلطنت ڈومنین بھارت ڈومنین پاکستان برطانوی برما مملکت آصفیہ ریاست جموں و کشمیر خانیت قلات مستعمر عدن
موجودہ حصہ	بھارت  پاکستان  بنگلادیش  برما
1: Reigned as شہنشاہ ہند from 1 May 1876, before that as Queen of the متحدہ مملکت برطانیہ عظمی و آئر لینڈ. 2: وائسرائے اور گورنر جنرل بھارت

برطانوی راج بمطابق 1909ء

سلطنت ہندوستان علاقائی و بین الاقوامی سطح پر "ہندوستان" کے نام سے جانی جاتی تھی۔ "ہندوستان" جمعیت اقوام کا تاسیسی رکن اور 1900ء، 1920ء، 1928ء، 1932ء اور 1936ء کے گرمائی اولمپک کھیلوں میں شامل ہوا۔ برطانوی ہند میں ہندوستان 17 انتظامی صوبوں پر مشتمل تھا۔

شامل علاقے

اس عرصے میں برطانیہ کے زیر قبضہ رہنے والے علاقوں میں موجودہ بھارت، پاکستان اور بنگلہ دیش شامل ہیں جبکہ کبھی کبھار عدن (1858ء سے 1937ء)، زیریں برما (1858ء تا 1937ء)، بالائی برما (1886ء تا 1937ء) شامل ہیں (مکمل برما 1937ء میں برطانوی ہند سے الگ کر دیا گیا)، برطانوی ارض صومال (1884ء سے 1898ء) اور سنگاپور (1858ء سے 1867ء) کو بھی برطانوی راج کا حصہ شمار کیا جاتا ہے۔ مشرق وسطٰی، جنگ عظیم اول کے فوراً بعد برطانیہ کے زیر قبضہ بین النہرین (موجودہ عراق) کا انتظام بھی حکومت برطانیہ کے ہندی دفتر سے چلایا جاتا تھا۔ ہندوستانی روپیہ مشرق وسطٰی کے کئی علاقوں اور مشرقی افریقہ میں زیر استعمال رہا۔

غیر شامل علاقے

خطے کے دیگر ممالک میں 1802ء میں معاہدۂ ایمینز کے تحت برطانیہ کے زیر نگیں آنے والا علاقہ سیلون (موجودہ سری لنکا) برطانیہ کی شاہی نو آبادی تھا اور برطانوی ہند کا حصہ شمار نہیں ہوتا تھا۔ علاوہ ازیں نیپال اور بھوٹان کی بادشاہتیں برطانیہ سے معاہدے کے تحت آزاد ریاستوں کی حیثيت سے تسلیم کی گئی تھیں اور برطانوی راج کا حصہ نہیں تھیں۔ ۔^[1][2] 1861ء کے معاہدے کے نتیجے میں سکم کی ریاستی خود مختاری تسلیم کی گئی ۔^[3] جزائر مالدیپ 1867ء سے 1965ء تک برطانیہ کے زیر نگیں رہے اور برطانوی راج کا حصہ شمار نہیں ہوتے تھے۔

آغاز و خاتمہ

ہندوستان میں برطانوی راج کا آغاز 1858ء میں (جنگ آزادی ہند 1857ء کے بعد) ایسٹ انڈیا کمپنی کے اقتدار کے خاتمے اور ہندوستان کے براہ راست تاج برطانیہ کے زیر نگیں آنے سے ہوتا ہے اور خاتمہ 1947ء میں تقسیم ہند اور بھارت و پاکستان کے قیام کے ساتھ ہوتا ہے۔

حوالہ جات

1. British Empire - Relations with Bhutan
2. http://www.britishempire.co.uk/maproom/nepal.htm British Empire - Relations with Nepal
3. "Sikkim." Encyclopædia Britannica. 2007. Encyclopædia Britannica Online. 5 Aug. 2007 <http://www.britannica.com/eb/article-46212>.

ویکی ذخائر پر برطانوی راج سے متعلق سمعی و بصری مواد ملاحظہ کریں۔