امجد اسلام امجد

امجد اسلام امجد (پیدائش: 4 اگست 1944ء - وفات: 10 فروری 2023ء) ایک پاکستانی اردو شاعر، ڈراما نگار ، گیت نگار ، کالم نگار تھے۔ 50 سال پر محیط کیریئر میں انھوں نے ستر سے زائد کتابیں تصنیف کیں ۔ انھیں اپنے ادبی کام ، شاعری اور ٹی وی ڈراموں کے لیے بہت سے اعزازات ملے ، جن میں تمغہ حسن کارکردگی اور ستارۂ امتیاز اور ہلال امتیاز شامل ہیں۔

امجد اسلام امجد
فائل:امجد اسلام امجد.jpg
معلومات شخصیت
پیدائش	4 اگست 1944ء   لاہور
تاریخ وفات	10 فروری 2023ء (79 سال)
رہائش	لاہور
شہریت	پاکستان برطانوی ہند
عملی زندگی
مادر علمی	جامعہ پنجاب اسلامیہ کالج لاہور
پیشہ	صحافی ،  شاعر ،  مصنف
اعزازات
نگار اعزاز    تمغائے حسن کارکردگی
باب ادب
درستی - ترمیم

سوانح

امجد اسلام کی پیدائش 4 اگست 1944 کو لاہور میں ہوئی۔ ^[1] انھوں نے اسلامیہ کالج لاہور سے بی۔اے کرنے کے بعد پنجاب یونیورسٹیسے اردو میں ایم اے کی ڈگری حاصل کی۔^[1] انھوں نے اپنے کیریئر کے آغاز ایم اے او کالج لاہور کے شعبہ اردو میں استاد کی حیثیت سے کیا۔^[2]

1975ء اور 1979ء کے درمیان امجد پاکستان ٹیلی ویژن نیٹ ورک کے ڈائریکٹر رہے۔^[3] 1989ء میں انھیں اردو سائنس بورڈ کا ڈائریکٹر بنادیا گیا۔ انھوں نے چلڈرن لائبریری کامپلیکس میں پروجیکٹ ڈائریکٹر کی حیثیت سے خدمات انجام دی تھیں۔ ^[1][2]

اعزازات

امجد اسلام امجد کو ان کی ادبی خدمات کی وجہ سے انھیں تمغائے حسن کارکردگی اور ستارۂ امتیاز سے نوازا گیا۔ ان کی شخصیت پر تقریباً دس سے زائد تنقیدی کتابیں لکھی جاچکی ہیں۔^[4]

وفات

امجد کی وفات 10 فروری 2023ء کو لاہور میں دل کا دورہ پڑنے ہوئی۔^[5]

تصانیف

ان کے شعری مجموعوں میں درج ذیل شامل ہیں:^{[2] [3][2][6]}

• بارش کی آواز
• شام سرائے
• اتنے خواب کہاں رکھوں
• نزدیک
• یہیں کہیں
• ساتواں در
• فشار
• سحر آثار
• ساحلوں کی ہوا
• محبت ایسا دریا ہے
• برزخ
• اس پار