رائبو مرکزی ترشہ

رائبو مرکزی ترشہ (انگریزی: ribo nucleic acid)، مرکزی ترشہ کی ایک شکل ہے جو چھوٹی اور بنیادی موحود (monomer) اکائیوں سے مل کر بننے والے ایک سالمۂ کبیر (macromolecule) یعنی بڑے سالمہ کی صورت میں خلیات کے اندر پایا جاتا ہے۔ موحود، واحد سے بنا ہوا لفظ ہے جس کی تفصیل کے لیے اس کا صفحہ مخصوص ہے۔ ڈی این اے کی طرح آر این اے بھی، ایک مکثورہ (polymer) جو بنیادی سالمات جنکو مرکزی ثالثہ (nucleotide) کہاجاتا ہے سے ملکر بنتا ہے۔ DNA اور RNA میں اہم ترین فرق یہ ہوتا ہے کہ آر این اے میں ڈی آکسی رائبوز (ایک شکر) کی جگہ رائبوز اور قاعدہ تھائمین کی جگہ یوراسل پائی جاتی ہے۔

آر این اے اور ڈی این اے کے سالمات میں بنیادی فرق؛ آر این اے کا سالمہ، یک طاقین (ایک پٹی یا بازو والا) جبکہ ڈی این اے کا سالمہ، ذوطاقین (دو بازو والا) ہوتا ہے۔ اس کے علاوہ آر این کے سالمے میں تھایامین کی جگہ یوراسل کا قاعدہ ہوتا ہے (سرخ ابجد)، مزید یہ کہ آر این اے میں ڈی آکسی رائبوز کی بجائے رائبوز شکر پائی جاتی ہے

آر این اے اور ڈی این اے میں فرق

آر این اے اور ڈی این اے دونوں ہی مرکزی ترشوں کی اقسام ہیں۔ آر این اے کو یوں کہ لیں کہ یہ خلیہ کے مرکزے میں ڈی این اے کے ذو طاقین (double stranded) سالمہ کے یک طاقین (single stranded) سالمے میں تقسیم ہونے سے بنتا ہے۔

• آر این اے میں پائی جانے والی شکر، رائبوز میں ایک OH گروہ زیادہ ہوتا ہے جبکے ڈی این اے میں میں اس کی جگہ صرف H ہوتا ہے اسی لیے اس کو ڈی آکسی رائبوز کہا جاتا ہے (رائبوز سالمات کی شکلی وضاحت کے لیے دیکھیے، DNA)
• ایک اور فرق یہ کہ DNA میں تھایامین (T) کی جگہ ایک اور قاعدہ بنام یوراسل (U) پایا جاتا ہے (دیکھیے شکل، لون احمر)۔
• آر این اے کا سالمہ، یک طاقین (ایک بازو والا) جبکہ ڈی این اے کا سالمہ ذوطاقین (دو بازو والا) ہوتا ہے۔

مزید دیکھیے

• فینولک ایکسٹریکشن

ویکی ذخائر پر رائبو مرکزی ترشہ سے متعلق سمعی و بصری مواد ملاحظہ کریں۔