ہندسہ
From Wikipedia, the free encyclopedia
ہندسہ، جس کو انگریزی میں جیومیٹری کہا جاتا ہے ایک ایسا شعبہ ریاضی ہے جس میں فضائی یا فاصلی (spatial) مقامات کے درمیاں روابط کے بارے میں بحث کی جاتی ہے۔ یا یوں کہہ لیں کہ بنیادی طور پر ہندسہ ایسے علم کو کہتے ہیں جس میں خطوط و اشکال (جو ظاہر کہ مرکوز و محدود نہیں بلکہ فاصلی یا اپنی ایک جگہ رکھنے والی ہوتی ہیں) کی خصوصیات کا مطالعہ کیا جاتا ہے۔ انگریزی میں یہ لفظ دو الفاظ کا مرکب ہے ؛ جیو = ارض اور میٹری = پیمائش اور اس حساب سے دیکھا جائے تو اس کی اردو ارض پیمائی کی جا سکتی ہے لیکن ارض پیمائی کا استعمال جیومیٹری کے لیے بہت ہی اجنبیت کا احساس پیدا کرتا ہے اس لیے اس کا اردو نام وہی اختیار کیا جا رہا ہے جو عربی اور فارسی میں مستعمل ہے۔
- یہاں فضائی یا spatial سے مراد کسی ایسی چیز، شکل یا عبارت یا وقوعہ یا حادثہ کی ہے جو کسی ایک مقام تک محدود نہ ہو بلکہ اپنے علاقے (جگہ یا فضا) کا مالک ہو۔
اصطلاح | term |
---|---|
ہندسہ |
geometry |
ہندسہ ؛ زمانہ قبل از جدیدہ (pre-modern) کے ریاضی کی دو شاخو ں میں سے ایک ہے، دوسری مطالعہ اعداد (حساب) کو کہا جاتا ہے۔ عہد حاضر میں ہندسہ کا تصور اپنے استعمال میں عمومیت اختیار کرتے ہوئے تجرید (abstraction) اور پیچیدگیوں میں خاصی بلند سطح تک پہنچ چکا ہے اور یوں احصا (calculus) اور تجریدی الجبرا (abstract algebra) کے ماتحت ہوتے ہوئے کچھ اس طرح مدغم ہو چکا ہے کہ بننے والی اکثر شاخوں کے بارے میں یہ معلوم بھی نہیں ہوپاتا کہ یہ دراصل ہندسہ یا جیومیٹری کی ہی کے قبیلے کی کوئی شاخ ہے۔
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.