From Wikipedia, the free encyclopedia
کونراڈ کونگکل سنگما ایک بھارتی سیاست دان جو میگھالیہ کی ریاست کے بارہویں اور موجودہ وزیر اعلیٰ ہیں۔[3] انھوں نے اپنے والد اور سابق وزیر اعلیٰ پورنو سنگما کی وفات کے بعد سنہ 2016ء میں نیشنل پیپلز پارٹی (این پی پی) کی صدارت سنبھالی۔ وہ لوک سبھا حلقے تورا سے پارلیمان کے رکن (2016ء - 2018ء) بھی تھے۔[4]
کونراڈ سنگما | |||||||
---|---|---|---|---|---|---|---|
مناصب | |||||||
رکن سولہویں لوک سبھا [1] | |||||||
رکن سنہ 19 مئی 2016 | |||||||
پارلیمانی مدت | 16ویں لوک سبھا | ||||||
| |||||||
وزیر اعلیٰ میگھالیہ (12 ) | |||||||
آغاز منصب 6 مارچ 2018 | |||||||
| |||||||
معلومات شخصیت | |||||||
پیدائش | 27 جنوری 1977ء (47 سال) تورا، میگھالیہ | ||||||
شہریت | ![]() | ||||||
جماعت | نیشنل پیپلز پارٹی (بھارت) راشٹروادی کانگریس پارٹی | ||||||
والد | پی اے سنگما | ||||||
بہن/بھائی | |||||||
عملی زندگی | |||||||
مادر علمی | وارتھون اسکول [2] امپیریل کالج لندن [2] | ||||||
تخصص تعلیم | ماسٹر آف بزنس ایڈمنسٹریشن | ||||||
تعلیمی اسناد | business administration | ||||||
پیشہ | سیاست دان | ||||||
درستی - ترمیم ![]() |
کونراڈ میگھالیہ کی آٹھویں قانون ساز اسمبلی[5] میں این پی پی کی حلقہ سیلسیلا سے نمائندگی کر رہے تھے اور سابق قائد حزب اختلاف بھی تھے۔[6] پہلے سنہ 2008ء میں کونراڈ سنگما میگھالیہ کے نوجوان ترین وزیر خزانہ بنے تھے۔
کونراڈ سنگما 27 جنوری 1978ء کو مغربی گارو ہلز ضلع کے ایک قصبے تورا میں پیدا ہوئے تھے۔[7] ان کے والد آنجہانی پورنو سنگما میگھالیہ کے سابق وزیر اعلیٰ اور لوک سبھا کے اسپیکر تھے اور والدہ سورادنٰی گھریلو خاتون۔[8] ان کے بڑے بھائی جیمس اور چھوٹی بہن اگاتھا این پی ہی کے سیاست دان ہیں، ایک دوسری بہن کرسٹی بھی ہے،[9] جو سیاست سے بالکل دور رہتی ہے۔[10] کونراڈ دہلی میں بڑے ہوئے اور وہاں سینٹ کولمبا اسکول سے پڑھے تھے۔ انھوں نے وارٹن اسکول آف دی یونیورسٹی آف پنسلوانیا سے entrepreneurial management میں بی بی اے کی ڈگری حاصل کی اور اس کے بعد ایمپریل کالج لندن سے مالیات میں ایم بی اے کیا۔[4][11]
کونراڈ سنگما نے 29 مئی 2009ء کو ایک پیشہ ور ڈاکٹر مہتاب چنڈی سے شادی کی تھی،[12] ان کی دو بیٹیاں ہیں: امارا (پیدائش 2011ء) اور ایک دوسری (پیدائش 2017ء)۔[13][14]
سیاست کے علاوہ کونراڈ سماجی کاموں میں بھی حصہ لیتے ہیں۔ وہ پی اے سنگما فاؤنڈیشن کے صدر ہیں، اس ادارے کا مقصد تعلیم و ماحول کی بہتری کرنا ہے۔ یہ ادارہ میگھالیہ کے دیہی علاقوں میں چار کالج بھی چلا رہا ہے۔ وہ اس وقت میگھالیہ کرکٹ ایسوسی ایشن اور اسپورٹس اکیڈمی کے صدر بھی ہیں۔[15]