From Wikipedia, the free encyclopedia
چھری ایک روزمرہ کے استعمال کی چیز ہے۔ یہ ایک ایسا اوزار (instrument) ہے جس کے ایک طرف تیز دھار ہوتی ہے اور دوسری طرف اس پر گرفت رکھنے کے لیے دستہ۔ یہ اوزار عام طور پر باورچی خانے میں مستعمل ہوتاہے۔ جہاں یہ سبزی، گوشت وغیرہ کاٹنے کے کام آتا ہے۔ جہاں اس کے مثبت استعمال کے بے شمار فائدے ہیں، وہیں اس اوزار کو بطور ہتھیار بھی استعمال کیا جا سکتا ہے۔ تلوار اور خنجر اسی کی ترمیم شدہ اشکال ہیں۔
اگر چھری کے استعمال کی تاریخ کا جائزہ لیا جائے تو یہ تقریباً پچیس لاکھ (25،00000) سال سے بھی پہلے رائج تھا۔[1][2]
چھری کا استعمال تقریباً ہر دور میں رہا ہے اور زمانے کی تہذیب و ثقافت نے اس نہایت مفید اوزار کو ضرورت کے مطابق نئی جہتیں، اشکال و افعال عطا کیں ہیں۔ چھری کا استعمال پتھر کے زمانے سے بھی پہلے سے رائج ہے۔ آج کے اس ترقی یافتہ دور میں چھری کی کئی قسمیں ہیں یا یوں کہہ لیں ہر کام کے لیے علاحدہ علاحدہ چھریاں بنادی گئی ہیں۔ جیسے گوشت کاٹنے کی چھری، سبزی کاٹنے کی چھری، مکھن کی چھری، کیک کاٹنے کی چھری، کھانا کھانے کے لیے بھی علاحدہ چھریاں ہوتی ہیں۔
یوں تو چھریوں کی متعدد اقسام تاہم عام طور پر انھیں دو اقسام میں تقسیم کیا جا سکتا ہے:
دستی چھریاں عام چھریاں ہوتی ہیں، جن کو استعمال کرنے کا طریقہ اور رکھنے کا طریقہ وہی صدیوں پرانا ہے جبکہ خود کار چھریوں میں حفاظتی نقطۂ نظر سے خود کار نظام ہوتاہے، جس کے تحت اس کی تیز دھار، اس کے دستے میں پوشیدہ رہتی ہے اور ایک مخصوص طریقے یا بٹن دبانے سے باہر آتی ہے۔ یہ خود کار چھری بچوں والے گھر میں زیادہ موثر اور مفید ہے۔ آج کے جدید دور نے چھریوں کو بھی جدت عطا کی ہے۔ بناوٹ کے لحاظ سے جدید چھریوں میں درج ذیل خصوصیات ہوتی ہیں:
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.