پی ایچ (کیمیاء)

علمِ کیمیا میں "پی ایچ" (pH) تیزابیت (acidity) یا اساسیت (basicity) (ضد تیزابیت) ناپنے کا ایک نہایت اہم پیمانہ ہے۔ کسی نم چیز یا مائع کی پی ایچ 0 سے 14 تک کی ہو سکتی ہے۔ پی ایچ جتنی کم ہوتی ہے، تیزابیت اُتنی زیادہ ہوتی ہے۔ 25 ڈگری سینٹی گریڈ پر صفر سے 6.99 تک کی پی ایچ تیزابیت ظاہر کرتی ہے جبکہ 7.01 سے 14 تک کی پی ایچ اساسیت بتاتی ہے۔ پی ایچ عین 7 ہو تو اس کا مطلب ہے کہ وہ مائع تعدیلی (neutral) ہے یعنی نہ تیزابی ہے اور نہ ہی اساسی (alkaline)۔

• 
  Hydrangea macrophylla کا پودا جاپان اور کوریا میں بکثرت پایا جاتا ہے۔
• 
  جب یہ تیزابی زمین میں اگتا ہے تو اس کے پھولوں کا رنگ نیلا ہوتا ہے۔ مگر اساسی زمین میں اس کے پھول گلابی ہو جاتے ہیں۔

دس ٹیسٹ ٹیوبیں جن میں ایک سے دس تک پی ایچ کا محلول ہے۔ سارے محلول بے رنگ تھے لیکن یونیورسل انڈیکیٹر ملانے پر مختلف رنگ ظاہر کر رہے ہیں۔

جس محلول میں ${\displaystyle {\ce {H+}}}$ کی تعداد ${\displaystyle {\ce {OH-}}}$ کی تعداد سے زیادہ ہوتی ہے وہ تیزابی (acidic) خصوصیات کا حامل ہوتا ہے۔ اس کے برعکس جس محلول میں ${\displaystyle {\ce {H+}}}$ کی تعداد ${\displaystyle {\ce {OH-}}}$ کی تعداد سے کم ہوتی ہے وہ اساسی (basic) خصوصیات کا حامل ہوتا ہے۔
جب کسی مائع میں ${\displaystyle {\ce {H+}}}$ کی تعداد ${\displaystyle {\ce {OH-}}}$ کی تعداد کے عین برابر ہوتی ہے تو وہ نہ تیزابی خصوصیات کا حامل ہوتا ہے اور نہ ہی اساسی خصوصیات کا یعنی تعدیلی ہوتا ہے۔

پی ایچ کی قیمت مندرجہ ذیل مساوات کی مدد سے حاصل کی جاتی ہے:

${\displaystyle {\ce {pH}}=-\log([{\ce {H+}}])}$

یعنی log اسکیل پر ہائیڈرونیئم ${\displaystyle ({\ce {H+}})}$ آیون کے ارتکاز (concentration) کا معکوس (reciprocal) پی ایچ کہلاتا ہے۔

پی ایچ اور پی او ایچ کا باہمی تعلق۔ سرخ رنگ تیزابیت کو ظاہر کر رہا ہے جبکہ نیلا رنگ اساسیت کو ظاہر کر رہا ہے۔

استعمال

پی ایچ کا استعمال جیولوجی، بائیولوجی، کیمیائی تجزیہ اور صنعتی عوامل میں بہت زیادہ ہوتا ہے تاکہ مختلف مواد کی تیزابیت یا اساسیت کو جاننے میں مدد مل سکے۔
دودھ کی پی ایچ 6.5 سے 6.8 تک ہوتی ہے۔ جب اس میں اتنا سرکہ (acetic acid) ملایا جائے کہ پی ایچ 4.6 ہو جائے تو دودھ پھٹ جاتا ہے۔ جب گرمی پڑتی ہے تو دودھ میں موجود جراثیم lactic acid بناتے ہیں جس سے دودھ خود بخود پھٹ جاتا ہے۔ گرمیوں میں جب دودھ کے پھٹنے کے امکان کافی زیادہ ہوں تو دودھ میں تھوڑا سا چونا یا کاسٹک سوڈا ملانے سے دودھ دیر سے پھٹتا ہے۔

پی ایچ ناپنے کا ایک سادہ میٹر۔

کاشتکاری کی زمین کی پی ایچ ناپنے کا آلہ۔

چند عام محلول کی اوسط پی ایچ
محلول	پی ایچ	خاصیت
کار کی بیٹری کا تیزاب	< 1	تیزابی
معدے کی رطوبت	1.0 – 1.5
نارنجی کا رس	3.3 – 4.2
سرکہ	4-5
کالی کافی	5 – 5.03
دودھ	6.5 – 6.8
خالص پانی 25 °C پر	7	تعدیلی
سمندری پانی	7.5 – 8.4	اساسی
امونیا کا محلول	11.0 – 11.5
بلیچ	12.5
کاسٹک سوڈے کا ایک مولر محلول	14

تفصیلی مضمون کے لیے pH indicator ملاحظہ کریں۔

مزید دیکھیے

• لٹمس پیپر
• انڈیکیٹر