![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/3b/Synaptic_screenshot.png/640px-Synaptic_screenshot.png&w=640&q=50)
پیکج مینیجر
From Wikipedia, the free encyclopedia
پیکج مینیجر ایسے سافٹ وئیر یا سافٹ وئیر کا مجموعہ ہوتے ہیں جنہیں کمپیوٹر میں دوسرے سافٹ وئیر نصب کرنے(Installation)، تبدیل کرنے (Modification)، ترتیبات (Configuration) کو منظم کرنے یا کمپیوٹر سے ہٹانے کے لیے استعمال کیا جاتا ہے۔ اگرچہ یہ کام کمپیوٹر استعمال کرنے والے لوگ خود بھی کرسکتے ہیں لیکن بعض سافٹ وئیر کا نظام کافی پیچیدہ ہوتا ہے لہٰذا انھیں منظم رکھنے کے لیے سافٹ وئیر تیار کرنے والے پیکج مینجیر بھی بناتے ہیں[1]
![Thumb image](http://upload.wikimedia.org/wikipedia/commons/thumb/3/3b/Synaptic_screenshot.png/640px-Synaptic_screenshot.png)
پیکج مینجیر کا تعلق پیکیجز، سافٹ وئیر کی تقسیم اور سافٹ وئیر کے متعلق معلومات کے انتظام سے ہے۔پیکیجز میں سافٹ وئیر کے متعلق اہم معلومات جیسا کہ سافٹ وئیر کا نام، فروخت کنندہ، تیارکنندہ، ورژن، غلطیوں کی پڑتال اور منحصرات کی فہرست وغیرہ شامل ہیں۔ جب بھی سافٹ وئیر کو نصب کیا جاتا ہے تو معلومات مقامی پیکج ڈیٹا بیس میں محفوظ ہو جاتی ہیں۔پیکج مینیجرز لائبریریز کا خاص خیال رکھتے ہیں کیونکہ انہی کی بنیاد پر کوئی سافٹ وئیر آپریٹنگ سسٹم کے ساتھ مطابقت رکھ رہا ہوتا ہے۔ اگر ان میں کوئی عدم مطابقت پیدا ہو جائے تو سافٹ وئیر کو کام کرنے میں کافی مشکلات آئیں گی اور وہ آپریٹنگ سسٹم کے ساتھ نہیں چل پائے گا۔ عام طور پر ورژن بدلنے سے بھی فرق پڑتا ہے۔ ایسے مواقع پر پیکج مینیجر ہی ضروری معلومات رکھتے ہیں اور از خود ضروری اجزا سافٹ وئیر مخزن، ثنائی منتظم مخزن اور ایپ سٹور سے حاصل کرلیتے ہیں
پیکج مینیجرز کو بنانے کا مقصد یہی ہے کہ صارف کو سافٹ وئیر کو منظم کرنے سے آزادی مل جائے کیونکہ یہ چیزیں کئی مرتبہ بہت زیادہ وقت ضائع کرتی ہیں۔ عام طور پر پیکج مینیجر لینکس یا یونکس جیسے آپریٹنگ سسٹم کے لیے تیار کیے جاتے ہیں اور انٹرپرائز کے درجے کے سافٹ وئیر کو منظم کرنے کے لیے استعمال کیا جاتا ہے۔[2]