![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/28/Wazir_khan_mosque_entry.jpg/640px-Wazir_khan_mosque_entry.jpg&w=640&q=50)
مسجد وزیر خان
لاہور میں واقع مغل عہد کی تاریخی مسجد / From Wikipedia, the free encyclopedia
مسجد وزیر خان شہر لاہور میں دہلی دروازہ، چوک رنگ محل اور موچی دروازہ سے تقریباً ایک فرلانگ کی دوری پر واقع ہے۔ یہ مسجد نقش ونگار میں کاریگری کا منہ بولتا ثبوت ہے۔ علم الدین انصاری جو عام طور پر نواب وزیر خان کے نام سے جانے جاتے ہیں سلطنت مغلیہ کے عہد شاہجہانی میں لاہور شہر کے گورنر تھے اور یہ مسجد انہی کے نام سے منسوب ہے۔ مسجد کی بیرونی جانب ایک وسیع سرائے ہے جسے چوک وزیر خان کہا جاتا ہے۔ چوک کے تین محرابی دروازے ہیں۔ اول مشرقی جانب چٹا دروازہ، دوم شمالی جانب راجا دینا ناتھ کی حویلی سے منسلک دروازہ، سوم شمالی زینے کا نزدیکی دروازہ-مسجد کے مینار 107 فٹ اونچے ہیں۔ اس مسجد کی تعمیر دسمبر 1641ء میں سات سال کی طویل مدت کے بعد پایۂ تکمیل کو پہنچی۔ مسجد وزیر خان سلطنت مغلیہ کے عہد میں تعمیر کی جانے والی اب تک کی نفیس کاشی کار و کانسی کار خوبصورت مسجد ہے جو بادشاہی مسجد کی تعمیر سے 32 سال قبل (یعنی 1641ء میں) تکمیل کو پہنچی۔
مسجد وزیر خان | |
---|---|
![]() مسجد وزیر خان کا ایک منظر | |
بنیادی معلومات | |
مذہبی انتساب | اسلام |
ضلع | لاہور، پنجاب، پاکستان |
صوبہ | پنجاب، پاکستان |
ملک | پاکستان |
مذہبی یا تنظیمی حالت | مسجد |
تعمیراتی تفصیلات | |
نوعیتِ تعمیر | مسجد و مزار |
طرز تعمیر | ہند/ اسلامی طرز تعمیر |
سنگ بنیاد | 1634ء |
سنہ تکمیل | 3 دسمبر 1641ء |
تفصیلات | |
گنبد | 5 |
گنبد کی اونچائی (خارجی) | 21 فٹ |
گنبد کی اونچائی (داخلی) | 32 فٹ |
گنبد کا قطر (خارجی) | 19 فٹ |
گنبد کا قطر (داخلی) | 23 فٹ |
مینار | 4 |
مینار کی بلندی | 107 فٹ |