خاندان کی آبرو
From Wikipedia, the free encyclopedia
خاندان کی آبرو ایک مبہم تصور ہے۔ اس کی رو سے ان اقدار اور عزت کی پاسبانی کا خیال کار فرما ہوتا ہے جس سے ایک فرد تنہا نہیں بلکہ اس کے سبھی قریبی رشتے دار سماج میں ایک مقام و مرتبہ بنا سکتے ہیں، اجتماعی اور انفرادی طور پر۔[1][2] آبرو کا اہم نقطہ سماج میں خاندان ہی ہے اور سماج خاندان اور آبرو کے تقاضوں کی ہم آہنگی کا جائزہ لیتا ہے۔[3] خاندان کے افراد کے اخلاق اور ان کا برتاؤ خاندان کی آبرو کی عکاسی کرتا ہے اور خاندان خود کے بارے میں کیا تصور رکھتا ہے، اس کے بارے میں دوسرے بھی اپنی سوچ بناتے ہیں۔[2] خاندان کی آبرو کئی عوامل پر منحصر ہو سکتی ہے جن میں سماجی موقف، مذہب، لباس، غذا، ملازمت یا کام، جائداد کی ملکیت وغیرہ شامل ہو سکتے ہیں۔[4]