From Wikipedia, the free encyclopedia
جیدیو سنسکرت کے مشہور شاعر تھے جو بارہویں صدی میں گذرے۔ ان کی نظم گیت گوند[2] سے انھیں لافانی شہرت ملی۔ اس نظم میں کرشن کی رادھا سے محبت دکھائی گئی ہے۔ اس نظم میں رادھا کے لیے کرشن کی محبت کو سب سے زیادہ دکھایا گیا ہے[3] اور بھکتی تحریک میں اسے بہت اہمیت حاصل ہے۔[4]
ان کی زندگی کے بارے زیادہ معلومات نہیں۔ بس اتنا تذکرہ ملتا ہے کہ وہ تنہائی پسند شاعر تھے جو مشرقی ہندوستان میں مشہور تھے۔ جیدیو گرو گرنتھ میں شامل سب سے قدیم شاعر ہیں۔ یاد رہے کہ گرو گرنتھ سکھ مت کی مقدس کتاب ہے۔ سکھ مت برصغیر کا ایک مذہب ہے جو جیدیو کی وفات سے کئی صدیاں بعد شروع ہوا۔[2][1]
ذات کے اعتبار سے براہمن تھے اور ان کی پیدائش کی تاریخ اور مقام کے بارے ہمیں یقینی معلومات نہیں ملتیں۔ ان کی تحاریر کو پڑھنے سے پتہ چلتا ہے کہ وہ یا تو اوڑیسہ کے دیہات کندولی ساسن یا پھر بنگال میں جیدیو کنڈولی میں پیدا ہوئے۔[5] جیدیو ایک جہاں گرد تھے اور شاید پوری سے بھی گذرے تھے۔ ایک روایت میں ہے کہ انھوں نے پدماوتی نامی ایک رقاصہ سے شادی کر لی تھی تاہم موجودہ دور کے عالم اسے نہیں مانتے۔[5] ان کے والد کا نام بھوج دیو اور والدہ کا رام دیوی تھا۔ مندر میں موجود تحاریر سے پتہ چلتا ہے کہ انھوں نے سنسکرت شاعری میں کُرما پٹکا میں تعلیم پائی تھی۔[6][7]
وشنو کے دس اوتاروں دشواترا کو مقبولِ عام بنانے میں اہم کردار ادا کیا تھا۔ اس کے علاوہ کرشن کو مرلی بجاتے ہوئے تری بھنگی انداز جو دکھایا گیا ہے، وہ بھی ان کا مرہونِ منت ہے۔
ان کی دو حمدیں گرو گرنتھ صاحب کا حصہ ہیں جو سکھ مت کی مقدس کتاب ہے۔[2][1] یہ حمدیں سنسکرت اور مشرقی اپابھرمشا کے اختلاط سے لکھی گئی ہیں۔[8] کہا جاتا ہے کہ پوری کے دورے میں جیدیو کے کام سے بابا گرو نانک بہت متاثر ہوئے تھے۔[9][10][11]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.