بلی
From Wikipedia, the free encyclopedia
بِلی یا پالتُو بِلی، گوشت خور ممالیہ جانور ہے۔
ایک اندازے کے مطابق، اِنسان نے بلی کو قریباً دس ہزار سال پہلے سدھایا یا پالتو بنایا۔[1] بلی آج کے دور میں سب سے عام پالتو جانوروں میں سے ایک ہے۔ افریقی جنگلی بلیوں کی کئی اقسام کو پالتو بلی کے آباؤاجداد سمجھا جاتا ہے۔[2]
بلیوں کو پہلے پہل شاید اس وجہ سے سدھایا گیا کہ یہ چوہے کھاتی تھیں اور آج تک یہ جہاں اناج محفوظ کیا جاتا ہے، اسی مقصد کے لیے پالی جاتی ہیں۔ بعد ازاں ان کو انسان کے دوست اور پالتو جانور کے طور پر بھی پالا جانے لگا۔
پالتو بلیوں کے جسم پر لمبے یا چھوٹے بال ہو سکتے ہیں، جس کی بنیاد پر ان کی اقسام اور نسلوں کا تعین کیا جاتا ہے۔ وہ پالتو بلیاں جن کی نسل کا مخصوص تعین نہ ہو سکے انھیں عرف عام میں “چھوٹے بالوں والی پالتو“ اور “لمبے بالوں والی پالتو“ بلیوں کی نسل قرار دیا جاتا ہے۔
لفظ “بلی“ اسی خاندان کے دوسرے جانوروں کے لیے بھی استعمال کیا جاتا ہے۔ بلی کا خاندان یا گربہ خو جانوروں میں عموماً بڑی اور چھوٹی بلیاں شمار ہوتی ہیں۔ بڑی بلیاں جیسے ببر شیر، چیتا، تیندوا، باگ وغیرہ ہیں۔ چھوٹی بلیوں کی کئی اقسام ہیں جن میں زیادہ تر پالتو ہیں۔ بڑی بلیاں عموماً جنگلی ہوتی ہیں اور خطرناک ہو سکتی ہیں۔
![]() بلی | |
---|---|
![]() | |
اسمیاتی درجہ | ذیلی نوع ![]() |
جماعت بندی ![]() | |
ذیلی جماعت | تھیریا |
طبقہ | گوشت خور جانور |
خاندان | خاندان گربہ |
جنس | فیلس |
نوع | جنگلی بلی |
سائنسی نام | |
Felis catus ![]() | |
حمل کی مدت | |
| |
![]() ![]() | |
درستی - ترمیم ![]() |