From Wikipedia, the free encyclopedia
Грах (Грак) — Удмуртиысь черкогурт. Грах ёрослэн шорсюлмыз. Кизнер чугун сюрес станциозь — 41 иськем. Ижозь 164 иськем. Черкогуртын ог 3,5 сюрс пала улӥсез. Татын артэ уло удмуртъёс, ӟучъёс, бигеръёс, крашинъёс, поръёс но чувашъёс.
Черкогурт
Грах
| ||||||||||||
|
1850-тӥ арысен — Ватка губерниысь Алабго утемысь Грак волостьлэн центрез. 1921-тӥ арысен — Удмурт автономиысь Можга утемысь Грах черкогурт луэ. 1929-тӥ арысен кылдэ Грах ёрос, солэн шорсюлмыз луэ Грах черкогурт. Интыяськемын Удмуртилэн лымшор палаз.
Черкогуртэз кылдытӥзы Хлыстово ӟуч гуртысь потэмъёс: Ефим Осипович Грахов но солэн Егор, Григорий, Николай, Александр но Семён пиосыз. Татын соос ӝутӥзы часовня. 1836-тӥ арын гуртысь часовняез черк каризы. 1859-тӥ арын черкогуртын 25 юрт вал. Татын 293 мурт улӥз.
1842-тӥ арын Грахысь черк борды пуктӥзы школа. 1884-тӥ арын нылъёслы но пиослы нимаз училищеос ӝутӥзы. 1972-тӥ арын татын лэсьтӥзы нырысетӥ больница. Та земской больницалэн куд-ог юртъёсыз али но сыло на. Озьы ке но матысь дыре Грах черкогуртын но ёросын улӥсьёс понна усьтӥськоз выль поликлиника.
Грахын вань шор ёзо школа, кык нылпи сад, ёросысь культурая юрт, кык библиотека. Со сяна, татын интыяськемын Ашальчи Оки кылбурчилэн музеез. Соин кивалтэ шаерамы тодмо луэм шаерчи М. М. Козлов. «Удмуртия» издательствоын солэн потӥзы Грах черкогуртлы но ёрослы сӥзем «Граховский звездопад», «Колыбель генерала Маева» книгаосыз.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.