![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/93/Location_of_Africa.svg/langudm-640px-Location_of_Africa.svg.png&w=640&q=50)
Африка
континент / From Wikipedia, the free encyclopedia
А́фрика — Евразия бере кыкетӥ бадӟым континент. Уйпалаз солэн Средиземной зарезь, уйпал-шундыӝужаназ - Горд зарезь, шундыпуксёназ - Атлантик океан, лымшораз но шундыӝужаназ - Инди океан. Африка нимын озьы ик верало дуннеысь люкетэз, кудаз пыре Африка материк но вӧзысьтыз шормуӵъёс. Африкалэн быдӟалаез - 29,2 млн иськем², шормуӵъёсын ӵош — ог 30,3 млн иськем². Африкаын 55 кунъёс интыяськемын.
![Thumb image](http://upload.wikimedia.org/wikipedia/commons/thumb/9/93/Location_of_Africa.svg/320px-Location_of_Africa.svg.png)
Улӥсьёсыз отын одӥг миллиард котыр. Та материк вань адямиослэн кылдон но вашкала вакытъёсы улон интыенызы лыдъяське: ӵапак татысь шедьтӥзы адямилэсь тужгес вашкалаоссэ лысьӧмъёссэ.
Африка пыр ортче экватор но кӧня ке климат зонаос. Со одӥг гинэ сыӵе континент, кудӥз кыстӥське уйпал субтропической поясысен лымшор субтропической поясозь.
Африкалэсь лулчеберетъя, экономикая, политикая но мерлыко шуг-секытъёссэ эскере африканистика тодос.