Вашкала Рим

Вашкала Рим — асьме эралэсь азьвыл VIII даурын кӧня ке поселениослэсь кылдэм кар, кудӥз асьме эралэсь азьвыл III даурлэн шорозяз аслыз быдэс Аппенин мукожез пыдултэм; азьланяз — Средиземноморьеысь валтӥсь бадӟым кун, кудаз пыртэмын вал Европалэн ӝытпал но лымшор-ӵукпал люкетъёсыз, Пичи Азия, Уйпал Африкалэн ярдурез, Сирия, Палестина.

Вашкала Римысь Флавийёслэн амфитеатрзы (Колизей)

V дауре Рим цивилизация германъёсын киултэмен валче быриз.

Вашкала Римлэсь историзэ вакытъёслы люкон

Вашкала Римлэн историяз таӵе вакытъёс висъясько:

• Эксэй вакыт (754/753 — 510/509 а. э. а.).
• Республика (510/509 — 30/27 ар а. э. а.)
  • Вазь Рим республика (509—265 аръёс а. э. а.)
  • Бер Рим республика (265 — 31/27 аръёс а. э. а.)
• Империя (31/27 ар а. э. а. — 476 ар)
  • Вазь Рим империя. Принципат (31/27 ар а. э. а. — 235 ар)
  • III даурын кризис (235—284 аръёс)
  • Бер Рим империя. Доминат (284—476 аръёс)