Майя Ивановна Черемисина ( 1924 чылдың сентябрь 30 — 2013 декабрь 5) — совет база российжи лингвист, филология эртемнериниң доктору, Новосибирскниң күрүне университединиң профессору, Россияның Эртемнер Академиязының Сибирьде Салбырының Филология институдунуң кол эртем ажылдакчызы, Россия Федерациязының эртеминиң алдарлыг ажылдакчызы Новосибирскиниң синтаксистиг школазының баштыңы.
Чашкы үези Киевтен сураглыг профессор-физик де Метца деп кырган-ачазының өөнге эрткен. Угбазы — Т. И. Заславская.
МГУ-нуң Филология факультединиң доозукчузу (1947); Томскунуң (А. П. Дульзоннуң удуртулгазы-биле), Туланың, Бээжинниң дээди өөредилге черлеринге ажылдап чораан. Кандидат диссертациязын Москва хоорайның В.П. Потемкин аттыг педагогика институдунга «Система иносказаний в очерках М. Е. Салтыкова-Щедрина За рубежом» (1960, рук. С. М. Бонди) деп темалыг кандидат диссертациязын камгалап алган.
1965 чылдан — Новосибирскиге, Новосибирскиниң күрүне университединге баштай математиктиг лингвистика салбырынга оон филология салбырынга ажылдавышаан, Россияның Эртемнер Академиязының Сибирьде Салбырының Төөгү, филология болгаш эрге-хоойлу институдунга (амгы үеде Россияның Эртемнер Академиязының Сибирьде Салбырының Филология институду) ажылдап чораан. Аңаа Сибирьниң дылдарының секторун эргелекчилеп, ооң соонда ол-ла секторнуң кол эртем ажылдакчызы болуп ажылдаан. Доктор диссертациязын «Сложные сравнительные конструкции русского языка» (1974) деп темага камгаланып алган. 1975 чылдан — НКУ-нуң Ниити болгаш орус дыл эртеминиң кафедразының профессору, а 1994 чылдан тура бодунуң күзели-биле чаа тургустунган Сибирьниң дылдарының болгаш аас-чогаалының кафедразының эргелекчизи болуп, чок борунга чедир ажылдаан.
М. И. Черемисинаның шинчилел ажылы орус синтаксиске хамаарышкан ажылдарындан эгелээн; бо талазы-биле функционалдыг синтаксиске чоок нарын домактың тургузуунуң тускай теориязын тургузуп кылган. База ол ышкаш 1960 чылдарда дыка нептереңгей турган статистиктиг болгаш логиктиг угланыышкынга даянып, лексиктиг семантика база синонимия талазы-биле шинчилелдерни кылып турган. 1970 чылдарның ортаа үезинден ооң шинчилелдеринде типологтуг деңнелге кирген шинчилелдер колдап эгелээн: Сибирьниң алтай, урал база палеоазиат дылдарының синтаксистиг конструкцияларының деңнээн шинчилээн программазын тургускаш, ол дыка улуг салдарлыг болган шылгараңгай синтаксистиг школаның үндезилекчизи болган. Ооң удуртулгазы-биле 40 ажыг диссертациялар камгалаттынган. М. И. Черемисинаның теориязында ооң кииргени «полипредикативная конструкция» база «элементарное простое предложение» деп терминнери төп черни ээлеп турган. Аңаа даянып, «алтай чагырттынган конструкция» деп билиишкин аңгылаттынган болгаш тайылбырлаттынган. М. И. Черемисинаның синтаксистиг школазының методтары болгаш терминнерин амгы үеде айыттынган дылдарны шинчилээрде ооң өөреникчилери болгаш салгакчылары калбаа-биле ажыглап чоруур.
- Сравнительные конструкции русского языка. Новосибирск: Наука, 1976.
- Некоторые вопросы теории сложного предложения в языках разных систем. Новосибирск: НГУ, 1979.
- Предикативное склонение причастий в алтайских языках. Новосибирск: Наука, 1984 (соавторы: Л. М. Бродская, Л. М. Горелова и др.)
- Структурные типы синтетических полипредикативных конструкций в языках разных систем. Новосибирск: Наука, 1986 (соавторы: Л. М. Бродская, Е. К. Скрибник и др.)
- Очерки по теории сложного предложения. Новосибирск: Наука, 1987 (соавтор Т. А. Колосова).
- Языки коренных народов Сибири: Учебное пособие. Новосибирск: НГУ, 1992.
- Теоретические проблемы синтаксиса и лексикологии языков разных систем. Новосибирск: Наука, 2004 (издание включает важнейшие избранные статьи, автобиографический очерк М. И. Черемисиной и библиографию её научных работ). — ISBN 5-02-029726-7
- Кошкарёва Н. Б. К 80-летию со дня рождения Майи Ивановны Черемисиной // Вестник НГУ. Сер.: История, филология, 2004, т. 3, вып. 1, 143—146.
- Гуманитарные науки в Сибири. Сер.: Филология, 2004, 4 (специальный выпуск, посвящённый М. И. Черемисиной).
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
