Швитцер, Катрин

Катрин Вирджиния «Кэти» Швитцер (англ. Kathrine Switzer; 1947 чылдың январь 5, Амберг, Германия) — америк чогаалчы, телечарлакчы база марафончу. Бостон марафонун бир дугаар халып эрткен херээжен кижи кылдыр делегейге билдингир.

Катрин Швитцер
англ. Kathrine Switzer
Төрүттүнген хүнү	1947 январьның 5(1947-01-05)[1] (77 хар)
Чурт	Американың Катышкан Штаттары[d][2]
Сайт	kathrineswitzer.com/

Намдары

Швитцер Германияга 1947 чылдың январь 5-те американ шеригниң майорунуң өг-бүлезинге төрүттүнген. 1949 чылда ооң өг-бүлези АКШ эглип келген^[3]. Катрин Джордж Маршалл аттыг Дээди школаны дооскан, ооң соонда 1968 база 1972 чылдарда Сиракузы унивеситеттиң бакалавр биле магистратуразын дооскан.

1967 чылдың Бостон марафону

Швитцер Бостон марафонун бир дугаар 1967 чылда студентилеп тургаш халаан. Ооң соонда чүгле 5 чыл болгаш херээжен улуска марафон халып болур деп чөпшээрелди берген. Ооң үези 4 шак 20 минут хире болган^[4]. Катрин марафонче К. В. Швитцер деп аттыг бижиттирип алган. Ындыг ат чүгле херээжен эвес, эр-даа улуска туруп болур. Катринниң чугаазындан алырга организаторларны будалдырар дээш эвес, ооң мурнунда-ла адын ынчаар бижип турган болгаш бижээн^[5]. Марафоннуң организаторларының төлээзи Джок Семпл ону трассадан күш-биле үндүр идип тургаш, «дугаарын дужаапкаш, ооң марафонундан ырап чоруурун негээн». Швитцерниң кады халып чораан эжи — Том Миллер — Семплди идипкеш, Катринге шаптыктап каарындан камгалаан. Ол болган чүүлдүң чуруктары делегейниң бүгү-ле мурнакчы журналдар болгаш солуннарының арыннарында парлаттынган^[6]. Ооң марафонга киришкениниң түңнелинде херээженнерни эр улус аразынга маргылдааларга киржирин долузу-биле хоруп каан^[7]. Бир эвес кандыг-бир уруг ону хажыдар болза, кажан-даа маргылдаага киржир эргезин казып кааптар деп кыжанып турганнар. Швитцер өске-даа маңнаар ууглар-биле марафонга херээжен улус маңнап болурун чедип алыр дээш дыка кысканнар. 1972 чылда херээжен улус Бостоннуң марафонунга киржип болур эргени чаалап алганнар^[8].

Спортчу чедиишкиннери

Швитцер 1974 чылда Нью-Йорк марафонунга херээжен улус аразынга 3:07:29 (шупту улус аразынга 59-ку чер)^[9]. Ол эң эки үезин — 2:51:37, 1975 чылдың Бостон марафонунга херээженнер аразынга 2 дугаарлааш көргүскен^[10].

1997 чылда «Бег и ходьба для женщин, кому за 40» деп ном бижээн. А 2007 чылдың апрельде, Бостон марафонунга бир дугаар халаанындан бээр таптыг-ла 40 чыл эрткенде ол «Марафонка» деп сактыышкыннарын чырыкче үндүрген.

Хууда чуртталгазы

Швитцер 1967 чылда Бостон марафонунга ону камгалап каан Том Миллер-биле өгленип алган. Ооң соонда олар чарлы бергенде, ол катап база өске ашак алган - чүгүрүк чогаалчы эр Роджер Робинсонга өгленген.

Демдеглелдер

1. SNAC (англ.) — 2010.
2. https://www.francetvinfo.fr/culture/patrimoine/histoire/sport-portrait-de-kathrine-switzer-marathonienne-pionniere_4314539.html
3. Milde, Horst Katherine Switzer 65 Jahre - GRATULATION der Laufpionierin! (нем.). German Road Races e.V.  (чедимчок шөлүг — төөгү) (2012-01-05). Хынаан 19 Үш айның 2013. Архивтээн 2014 Үш айның 29.
4. BBA Marathon results (англ.). Cool Sports. Хынаан 8 Үш айның 2017.
5. The Real Story of Kathrine Switzer’s 1967 Boston Marathon (англ.). Kathrine Switzer – Marathon Woman. Хынаан 8 Үш айның 2017.
6. 1967: Semple Meets Switzer. Versions vary but everyone remembers that infamous marathon (англ.). The Boston Globe. Хынаан 8 Үш айның 2017.
7. Romanelli, Elaine. Women in Sports and Games // The Women's Book of World Records and Achievements / O'Neill, Lois Decker. — Anchor Press, 1979. — 576 p. — ISBN 0-385-12733-2.
8. Kathrine Switzer: Empowerment through Running (англ.). Impowerage Magazine. Хынаан 8 Үш айның 2017.
9. Switzer, 2007, p. 270.
10. Switzer, 2007, p. 290.

Литература

• Kathrine Switzer. Marathon Woman. — New York: Carroll & Graf, 2007. — ISBN 978-0-7867-1967-9.

Шөлүглер

• Kathrine Switzer – Marathon Woman (англ.). Дата обращения 8 марта 2017.
• Jock Semple and Katherine Switzer (англ.). Getty Images. Дата обращения 8 марта 2017.
• Marathon Women (англ.). National Public Radio (15 April 2002). Дата обращения 8 марта 2017.
• Interview with «ATHLETE» (film) director David Lam Archived 2014-03-08 at the Wayback Machine
• Kathrine Switzer (неопр.). Makers: Women Who Make America (англ.). Дата обращения 8 марта 2017.