Француз дыл
From Wikipedia, the free encyclopedia
Францу́з дыл (адатыннары — le français, la langue française) — француз улустуң дылы (Францияның күрүне дылы). Бельгия, Швейцария (кол кезии Романдияда) болгаш Канада (кол кезии Квебекте) франк дылдыг хамаатыларының күрүне дылдарының бирээзи. Ол ышкаш француз дылды Африкада, Кариб ортулуктарда (Гаитиде болгаш оон-даа өске), Француз Гвианада хөй кижи ажыглап чурттап чоруур, күрүне дылы ышкаш кылдыр. Оон аңгыда француз дылды хөй-ле өске күрүнелерде ажыглаттынып чоруур.
Индоевропей дылдар өг-бүлезиниң италий адырының, роман бөлүүнге, галло-роман деп бичии бөлүүнге хамааржыр. Чоннуң латынь дылындан үнгеш, өске роман дылдарга бодаарга, улаштыр оон ырадыр сайзырап чорупкан. Бижии латин алфавитке үндезилеттинген.
КНО болгаш ЮНЕСКО-нуң официал дылдарның бирээзи. Француз дыл — делегейде эң-не хөй чоннар аразында организацияларның дылы болбушаан даштыкы дыл кылдыр хөй улустуң өөренир дылы. Делегейде эдилекчилериниң саны-биле англи, кыдат, хинди болгаш испан дылдарның соонда беш дугаар черни эжелеп турар. Ол ышкаш делегейниң 5 континентизинде англи дыл-биле чергелештир ажыглалда дыл. «Франкофония» деп франк дылдыг улустуң улустар аразында организацияларының медээзи-биле 2023 чылда 130 чурттарда 327 сая кижилер француз дылдың эдилекчилери болуп турар.