Спилберг, Стивен
From Wikipedia, the free encyclopedia
Сти́вен А́ллан Спи́лберг (англ. Steven Allan Spielberg; 1946 чылдың декабрь 18-те төрүттүнген[2][3][…], Цинциннати, Огайо) — американ кинорежиссёр, продюсер болгаш сценарист. Чаа Голливуд деп эраның бир кол кижизи, амгы үениң блокбастериниң пионерии, төөгүде артып калган бугү делегейде кинематографының коммерция талазы-биле эң чедиишкинниг режиссёру. Хөй-хөй премияларның лауреады. Ооң иштинде үш «Оскар», Ирвинг Тальберг аттыг шаңналдар, Кеннединиң Төвүнүң, Сесиля Б. Де Милляның.шаңналдары. Спилбергтиң тыттырган кинолары делгем, көвей (30 ажыг режиссёр ажылдар) болгаш аңгы-аңгы адырларлыг: шупту тыттырган ужуралдарлыг, фантастиктиг блокбастерлери, социал болгаш төөгүнү көргүскен драмалары, чаш улуска тытырган кинолары-даа чаңгыс дең чедиишкинниг.
Режиссура ажылындан аңгыда Спилберг Amblin Entertainment биле DreamWorks деп компанияларның тургузукчуларының бирээзи. Ооң аңгыда көвей телесериалдарның болгаш киноларның продюсеры кылдыр база ажылдап турган. Көвей чылдар тургузунда Джон Уильямс композитор-биле эгин-кожа ажылдап келген (29 кады кылган ажылдарлыг). Чамдык режиссёрнуң ажылдары бүгү кино төөгүзүнүң тургузунда эң көвей кассалыг кинолар болуп турар. Оларның чедизин АКШ Конгрессиниң Библиотеказы Национал кино реестринче"онзагай культурлуг, төөгүлүг болгаш эстетиктиг үнези" дээш кирген.