Нейгебауэр, Марсия

Марсия Нейгебауэр (англ. Marcia Neugebauer, сентябрь 27, 1932 чылда төрүттүнген) — шылгараңгай американ геофизик. Космос шинчилээринге эртемге үнелиг салыышкын кылган. Нейгебауэрниң чаартыкчы эгелээшкини болза хүннүң хаттарын бир дугаар дорт хемчээшкини. Ол шинчилел ажыл ооң физиктиг бойдузун тодарадкан, база ооң кометалар-биле удур-дедир харылзаазыт тодараткан.

Марсия Нейгебауэр
англ. Marcia Neugebauer
Төрүттүнген хүнү:	1932 сентябрьның 27(1932-09-27) (92 хар)
Төрүттүнген чери:	Нью-Йорк[d], Нью-Йорк[d], Американың Катышкан Штаттары[d]
Чурт:	Американың Катышкан Штаттары[d]
Эртем сферазы:	геофизик[d]
Ажыл чери:	НАСА[d]
Альма-матер:	Иллинойский университет в Урбана-Шампейне[d] Корнеллский университет[d] Burr and Burton Academy[d]
Шаңңалдары:	Arctowski Medal[d] (2010) Зал славы женщин в технологии[d] (1997) Премия Джорджа Эллери Хейла[d] (2010)

Нейгебауэр бир дугаар шинчилекчи плазмалыг анализаторлуг планеталар аразының Маринер-2 деп станциязын ажыглавышаан хүннүң хаттарын улуг масштабтыг хемчээн, база ооң шынарын тодараткан. Нейгебауэр аналитиктиг ёзу-тургузугну чогаадып кылган, оларның чамдыызын, Черниң орбитазынче ужуп ундургеннер, ооңей кезек чамдыызын "Аполон" деп программаның космонавтары Айның кырынче чедиргеннер, артканарын европейжи планеталар аразының "Джотто" деп станциязы-биле Галлилеяның кометазынче чоргусканнар.

НАСА-га ажылдап тургаш космос шинчилелдерниң хөй кезиинге киржип турган, база Реактивтиг шимчээшкин лабораториязынга каш удуртулга постуларынга ажылдап турган: физика болгаш космос физиканың салбырының удуртукчузу, Марине Марк II деп шинчилекчи бөлүктүң удуртукчузу. "Рейнжер" (1 болгаш 2 дугаар аппарат) болгаш Астероид чоокшулаар, база комета-биле (CRAF) ужуражыр деп программаларный эртем ажылдакчызы турган.

1967 чылда Эртем болгаш үлетпүр музейи Нейгебауэрни "Чылдың эртемдээни - Калифорнияның хережээни" деп ат тудускан. НАСА-дан дыка хөй шаңналдарны алган, оларның аразында "Онзагай эртем чедиишкиннери" дээш, база "Кайгамчык лидер" болгаш "Кайгамчык албан-ажыл" дээш медальдарны алган (ол дээрге НАСА-ның тергиин шаңналы)^[1].

Нейгебауэр Американ географтыг эвилелдиң президентизи, база "Геофизиканың тайылбырлары" (Reviews of Geophysics) деп журналдың кол редактору турган. База США-ның Хүн физиказы болгаш космос физиказы деп национал эртем академияның комитединиң кежигүнү турган.

Нейгебауэр Нью-Йорк хоорайга төрүттүнген. Физика бакалавры деп эртем чадазын Корнеллдиң университединге 1954 чыла алган, физика магистратуразын Урбан хоорайга Иллинойск университединге 1956 чылда дооскан. Физика доктору деп эртем чадазын 1998 чылда Нью-Гемпшира университединге алган. 2010 чылда Нейгебауэр Арцтов аттыг медальды США-ның Национал эртем академиязындан алган^[2], база Джордж Эллер Хейлиниң шаңналын Американ астрономия ниитилелиниң хүн бөлүүнден алган.

Өг-бүлелиг, өөң ээзи Джеральд Нейгебауэр.

Демдеглелдер

1. Physicist Honored for Discoveries About the Sun // UANews  (чедимчок шөлүг — төөгү). Хынаан 26 Тос айның 2012. Архивтээн 2012 Беш айның 5.
2. Arctowski Medal  (чедимчок шөлүг — төөгү). National Academy of Sciences. Хынаан 13 Февраль 2011. Архивтээн 2006 Бир айның 2.

Шөлүглер

• Pioneers of space physics: A career in the solar wind — Marcia Neugebauer (J. of Geophysical Research)
• Contributions Of 20th Century Women To Physics — Marcia Neugebauer (UCLA Archive)
• WITI Hall of Fame — Marcia Neugebauer
• American Geophysical Union, Past President Biographies: 1980—2000 Archived 2009-02-14 at the Wayback Machine
• Interview at Jet Propulsion Laboratory, January 18, 1999
• Neugebauer Receives 2004 Kaula Award Archived 2012-09-16 at the Wayback Machine