From Wikipedia, the free encyclopedia
Nkran Mantam mu ne mantam a n'asase sua koraa wɔ Ghana mantam 16 no mu, ne tɛtrɛtɛ yɛ kilomita 3,245.ɛyi gyina hɔ ma ɔha mu nkyekyɛmu 1.4 wɔ Ghana asase mu. ɛno ne Mantam a ɛto so meinu a emu nnipa dɔɔso yiyie a edi Asante mantam akyi. Nnipa akenkan a ɛkɔɔ so wɔ afe 2010 mu no kyerɛ sɛ, emu nnipa dodoɔ yɛ 4,010,054 a egyina hɔ ma ɔha mu nkyekyemu 16.3.
Nkran mantam no yɛ mantam a nkurow, adan ne nwuma akɛse wo mu paa na nnipa no mu ɔha mu nkyekyɛmu 87.4 na ɛtete mmeae a ɛte saa. Nkran mantam no Ahenkrow no ne Nkran na, ɛno nso ne ɔman Ghana Ahenkurow.
Wɔ afe 1960 mu no, na wɔfrɛ Nkran mantam no Nkran mpesua, na na asase no ka Apuei mantam nsase ho. Wɔ bosome a ɛtɔ so nson no da a ɛtɔ so 23, afe 1982 no, ɔsoafo no de mmara a ɛne (PNDCL 26) tee Nkran Mantam fii Apuei Mantam ho.
Wo atifi fam no, Nkran mantam no Apuei Mantam na ɛbɔ hyeɛ, wɔ apuei fam nso, ɛne Frao mantam na ɛbɔ hyeɛ. Sɛ ɛba atɔe fam nso a , nkran mantam ne ɛpo kɛse Gulf of Guinea na ɛbɔ hyeɛ na wɔ anafo fam nso, ɛne mfinini mantam na ɛbɔ hyeɛ. Nkran mantam ne asase a esua koraa wɔ mantam 16 no mu.
Nkranfo di afayɛ bi a wato din Homowo a ase kyerɛ ne sɛ ''ɔkɔm huro''. Saa afahyɛ yi fii ase mfi pii a atwam. Wɔhyɛ saa fa yi de kae ɛkɔm kɛse bi esii wɔ nkranfo mu mfe bebree bi. Afahyɛ no yɛ aduane afahyɛ a wɔde hyɛ fa ma nkrafo kɔm abokosem no. Wodi saa afahyɛ yi wɔ Ɔsanaa bosome no mu na Nkran abusuakuo nyinaa hyɛ saa fa yi.
Adangbefo yɛ wɔn a wofi Ada na wɔn afahyɛ a wodi ne Asafotu afahyɛ a wɔnsan nso frɛ no 'Asafotufiam'. ɛyɛ afahyɛ a wodi de kae akofo ne nkunim a wodii wɔ wɔ ako ahorow mu. Wɔhyɛ saa fa yi ase wɔ yawada wɔ Kitawonsa bosome no mu kosi nawotwe a edi kan wɔ Ɔsanaa bosome no mu.
sɛnea wɔbekae nnema nti, sɛ edu afahye yi a, akofo no hyɛ won ako ntade ahorow na wɔde agorɔ asi anni. Saa bere yi nso yɛ bre wɔde ntetee ma mmabun wɔ ɔko ho. Saa afahyɛ yi ne otwa afahyɛ no hyia ma nti wɔyɛ amaneɛ ahorɔw a ahotew amammerɛ ka ho. Afahyɛ no du ne mpɔnpɔn so bre a ahenfo fura wɔn tam ahorɔw tenatena wɔn apankan mu,na wɔn manfoɔ de twenebɔ, osebɔ , nnwom ne asaw di wɔn akyi . Ahenfo no de nkyea ma wɔn ho wɔn ho, gu nsa na wɔhye wɔn ho wɔn ho den.
Asoe a ehw3 nnipa akekan so wo Nkran mantam no mu. Nkran mantam no wo mpesua a edidi so yi; La Nkwantanang Madina Mantam mu, Ashaiman Mantam mu Ledzokuku-krowor Mantam muAdenta Mantam ,Ga apuei Mantam .
Nnipa akenkan a ɛkɔɔ so wɔ afe 2010 mu no kyerɛ sɛ, emu nnipa dodoɔ yɛ 4,010,054 ,ɛma no bɛyɛɛ mantam a ɛto so mienu a wɔn mu nnipa dɔɔso yi paa. Asante mantam na edikan ma Nkramantam to so mienu. Nea nti a ɛte saa ne sɛ nkrufo di mu atukotena paa.Nhwɛsoɔ:Historical populations
Ga-Dangmefo no yɛ Nkranfo kuo a wɔdɔɔso paa wɔ Nkran mmuasukuo no nyinaa mu. wɔn dodoɔ yɛ ɔha mu nkyekyɛm 18.9. Nkranfo nhenkurow no gu ahorɔw nsia; Ga Mashie, Osu , La, Tshie Nungua ne Tema. Wɔn mu biara wɔ ahengua a woyi so apayɛ. La kurow no wɔ Sika korabea a ɛsom La manfoɔ no. Nkran bɛyɛɛ titriw wɔ Ga-Dangme nkuro no mu ma nnɛ, abɛyɛ Ghana Ahenkurow. Na Nkranfo no adwuma ne kuayɛ nanso nnɛ, apopo dwuma ne adetɔn ne nwuma a agye nkran man no afa. Mmaa no pii yɛ dwadifoɔ na wɔn kununom nni wɔn yerenom sika so tumi. Nkranfo di ɛnade nti mmaa pii yɛ adedifo. Mmarima no yɛ ade a wodi agya ade ma nti wɔtena wɔn agyanom fie, Nanso sɛ mmea no ware mpo a, wɔn ne wɔn maamenon ne wɔn mma tena wɔn na fie.
Ofie biara mu wɔ nkranfo fie wɔ won abosom a wɔyɛ nyankomade ma wɔn na afahyɛ pii nso na ɛwɔ hɔ. Adangmefo no yɛ wɔn a wɔte bɛn Ghana mpoano efi Kpone kosi Ada, nsuo Frao ne Gulf of Guinea. Adangmefo no ne Ada, Kpone, Krobo, Ningo, Osuduku, Prampram ne Shai, won nyinaa ka Adangme a ne fibea ne Kwa,a ɛwɔ Congo mmusua mu. Adangmefo ne wɔn a wɔ dɔɔso wɔ nkranfo mu na nkran nsase ɔha mu nkyekyemu 70 yɛ wɔn dea.
Nnipa a wɔte Nkran mantam no mu ɔha mu nkyekyɛm 1.3 yɛ won a watu afri Ghana nkro afoforo so abetena.
Nnipa dodoɔ a wɔte nkran no mu dodoɔ no yɛ Akanfo na wogyina hɔ ma ɔha mu nkyekyɛm 39.8. Nea edi hɔ ne Ga-Dangme a wɔn dodoɔ yɛ ɔha mu nkyekyɛm 30.7. ɛno akyi no, ɔha mu nkyekyɛm 18 yea Ewe.
Wɔ afe 1960 mu no, na nkrofo dodoɔ a na wɔ wɔ Nkra Mantam no yɛ 491817. Nnipa dodoɔ a na wɔ wɔ hɔ wɔ afe 2000 mu no yɛ 2,905,76. Nnipa akenkan a ɛkɔɔ so wɔ afe 2010 no kyerɛ sɛ nnipa 4,10,054 na ɛwo nkran mantam.
ɔsom ahorow a ɛwɔ nkran mantam no ne
Nkran man mu na ɔman no wiemhyɛnbea kɛse a wɔfrɛ no Kotoka International Airport in Accra no. Wiemhyɛnbea som Ghanafoɔ Afrika ne aman afoforo.
Akwan aitriw nnan na ɛwɔ ho - N1, N2, N4 ne N6- N1 no nam Nkran mantam kɔ fa Ada de besi N2 no mu wɔ Tema, akwan afoforo, Tetteh Quarshie ne N6 wo Achimota. ɛfa Kokrobite kɔpem Weija, ɛtoa so kɔpem Mfinifini Mantam mu kosi Elubo wɔ Atoe mantam mu. N2 no nam Apeui Mantam mu de si Asikuma, de kɔ Atifi Mantam mu kofa Atifi-Atɔe de kowie wɔ Kulungugu. N4 no nam Tetteh Quarshie na N6 fi ase fri Achimota. Saa akwan yi fa Atifi kopue Kumasi wo asante mantam mu.
Keteke Akwan nso nam Nkran kosi Tema
Nkran mantam mu wɔ aban suapɔn ahorɔw miensa a ɛne University of Ghana wɔ nkran Ghana Institute of Journalism ne University of Professional Studies a ɛwɔ East Legon. ɛno akyi no, ankorɛnkorɛ suapɔn pii nso wɔ mantam no mu
Mpesua ahorɔw a ɛwɔ Nkran Mantam mu | |||
---|---|---|---|
# | Mpesua | Ahenkuro | Nnipa Doduo (2010 akekan) |
1 | Nkran Mantam mu | Nkran | 1,665,086 |
2 | Ada Apuei | Ada Foah | 71,671 |
3 | Ada Atɔe | sege | 59,124 |
4 | Adenta Mantam mu | Adenta | 78,215 |
5 | Ashaiman Mantam mu | Ashaiman | 190,972 |
6 | Ga mfifini Mantam mu | Sowutuom | 114,745 |
7 | Ga apuei Mantam mu | Abokobi | 147,742 |
8 | Ga atoe Mantam mu | Weija | 411,377 |
9 | Ga anafo Mantam mu | Amasaman | 219,788 |
10 | Kpone Katamanso Mantam | Kpone | 109,864 |
11 | La Dade Kotopon Mantam | La | 183,528 |
12 | La Nkwantanang Madina Mantam mu | Madina | 108,051 |
13 | Ledzokuku-krowor Mantam mu | Nungua | 221,757 |
14 | Ningo Prampram | Prampram | 70,923 |
15 | Shai Osudoku | Dodowa | 51,913 |
16 | Tema Mantam mu | Tema | 292,773 |