Malaŵi ntcharu icho chili kumwera kwa Afrika icho kale chikachemekanga Nyasaland. Charu ichi chili na mphaka na Zambia kumanjiliro gha dazi, Tanzania kumpoto na kumpoto kwa kumafumiro gha dazi, na Mozambique kumafumiro gha dazi, kumwera na kumwera kwa kumanjiliro gha dazi. Malaŵi yili na malo ghakujumpha 118,484 km2 ndipo ŵanthu ŵakukwana 19,431,566. Msumba ukuru wa Malawi ni Lilongwe. Msumba ukuru comene waciŵiri ni Blantyre, wacitatu ni Mzuzu, ndipo wacinayi ni Zomba. Zina lakuti Malawi lili kufuma ku lizgu lakuti Maravi, ilo kale ŵanthu ŵa ku Chewa ŵakachemekanga nalo. Caru ici cikucemeka "Mtima Wakupokelera wa ku Africa" cifukwa ca ŵanthu awo mbalusungu.