From Wikipedia, the free encyclopedia
Bursa (törekçä Bursa, yunança Προύσα) — Törkiäneñ Anadolu/Anatoliä könyaq-könbatışında urnaşqan ere şähäre, Bursa ölkäseneñ idärä üzäge, xalıq sanı buyınça 4-nçe urında tora (İstanbul, Änqara, İzmirdan soñ).
Şähär
Bursa
törekçä Bursa yunança Προύσα
|
2000 yılda xalıq sanı 1 194 687 keşegä citte, küpçelege - töreklär.
20 ğasırğa qädär şähär yunança Prusa yäki Brussa dip atalğan.
Törekçä şulay uq Yäşel Bursa (Yeşel Bursa) dip yörtelä.
1912 yılda milli tärkip şundıy bulğan: töreklär - 72 993, yunannar - 21 850, ärmännär - 14 584, yähüdlär - 2 548 keşe.
Şähär urınında iñ borınğı keşe qorılmaları BEQ 5200 yılğa qarağan.
BEQ 625 yılda grek şähäre Kiy barlıqqa kilgän.
Filip V Makedoniädän ul şähärne Vifiniä patşası Prusiy I gä büläk itkän.
BEQ 202 yılda Prusiy borınğı qorılmanı torğızıp yañadan qalağa nigez salğan häm Prusa yaña isemen birgän.
395-1326 yıllarda şähär Vizantiä imperiäsendä bulğan.
1326 yılda törek ğäskäre Vizantiäne ciñep, Bursa şähären qamalışqa alğannan soñ yawlap ala, Bursa Ğosmanlı imperiäsenä kerä.
1326-1365 yıllarda Bursa - Ğosmanlı imperiäseneñ başqalası.
1855 yılda şähärdä bik köçle cir teträwlär häm yanğın bulğan.
1919-1922 yıllar yunan-törek suğışı waqıtında 1920 yılda Bursa grek ğäskäre tarafınnan basıp alına, 1922 yılda Törkiägä kire qaytarıla.
Bursanıñ töp kürenekle urınnarı - Olüğtaw (Uluğdağ) çañğı kurortları, Yäşel mäçet (Yeşil Cami), matur baqçalar.
2002 yılda şähärdä metropoliten açıla.
Cirle futbol taqımı - "Bursaspor" 2009-2010 yılda Törkiä çempionı buldı, taqım "Timsax Arena"da çığış yasıy (ul timsax-krokodil formasında tözelgän).
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.