Аждаһа йолдызлыгы

Аждаһа йолдызлыгы (лат. Draco) — күк йөзенең төньяк ярымшардагы котып янындагы йолдызлык. Күк йөзендә 1083 квадрат градус мәйданны иңләп тора. Аның эченә гади күз белән күренә торган 210 йолдыз керә. Аждаһа йолдызлыгында эклиптиканың төньяк котыбы урнашкан. Иң яхшы күренүчәнлек шартлары март–май айларында була. Россиянең бөтен территориясендә күренә.

Аждаһа
Аждаһа сурәтне зурайтырга өчен чиртегез
Латинча исем	Draco (иял. к.: Draconis)
Кыскартма	Dra
Нигез	Аждаһа
Туры калкулык	9сәг 10мин тан 21сәг 00мин кача
Авышлык	+47° 30′ тан +86° кача
Мәйдан	1083 кв. градус (8 урын)
Иң якты йолдызлар (зурлык < 3m)	Әлтәнин (γ) — 2,36m η Dra — 2,73m Рәэссөгъбан (β) — 2,79m
Метеор агымнары	Драконилар
Янәшә йолдызлыклар	Үгезкөтүче Геркулес Лира Аккош Кефей Кече Җидегән Жираф Зур Җидегән
Йолдызлык +90° тан −4° кача киңлекләрендә күренә. Русия территориясендә иң яхшы күренүчәнлек вакыты — март–май.

Йолдызлар

Аждаһа α — Сөгъбан, безнең чорга кадәр 3700 елдан 1500 елга кадәр күк йөзенең төньяк котыбына иң якын йолдыз булган. Прецессия сәбәпле ул 21 000 елда кабаттан бу урыны ала.

Аждаһа β — Рәэссөгъбан, +2,79^m йолдызча зурлыктагы куш йолдыз. Рәэссөгъбан 360 яктылык елы ераклыкта урнашкан.

Аждаһа γ — Әлтәнин, йолдызлыкның иң якты, +2,36^m йолдызча зурлыктагы кызгылт-сары зур йолдыз, 148 яктылык елы ераклыкта урнашкан.

Аждаһа μ — Әлракыйс, +4,92^m йолдызча зурлыктагы куш йолдыз, системаның һәр бер әгъзасы +5,8 йолдызча зурлыктагы сарылы-аклы йолдыз булып тора. Әлракыйс 88 яктылык елы ераклыкта урнашкан.

Атамалар

Татар телендә аждаһа сүзе белән башка йолдызлыкларны да атыйлар: Су Аждаһасы (лат. Hydra, рус. Гидра) һәм Көньяк Су Аждаһасы (лат. Hydrus, рус. Южная Гидра).