From Wikipedia, the free encyclopedia
Рөстәм Ринат улы Ахунов (1978 елның 22 августы, Уфа, Башкорт АССР, ССРБ) — Россия икътисадчы һәм сәясәтче. Икътисад фәннәре докторы, Башкортстан Фәннәр академиясенең әгъза-корреспонденты. VI нчы чакырылыш Башкортстан Республикасының Дәүләт Җыелышы — Корылтайның депутаты (2018-2023)[1]. Россия Фәннәр академиясенең Уфа фәнни үзәге рәисе вазыйфаларын вакытлыча башкаручы (2018—2019)[2].
Рөстәм Ахунов | |
---|---|
![]() | |
Туган | 22 август 1978 (45 яшь) Уфа, РСФСР, СССР |
Ватандашлыгы | ![]() ![]() |
Әлма-матер | Башкорт дәүләт университеты |
Һөнәре | икътисадчы, мөгаллим, дәүләт хезмәткәре, җәмгыять активисты |
Гыйльми дәрәҗә: | икътисад фәннәре докторы[d] (2017) |
Рөстәм Ахунов 1978 елның 22 августында Уфада туа. 2000 елда Башкорт дәүләт университетының икътисад факультетын тәмамлый, ә 2003 елда икътисад фәннәре кандидаты дәрәҗәсен ала. Белем алуын Россия халык хуҗалыгы һәм дәүләт хезмәте академиясендә дәвам итә һәм Бизнес һәм эшлекле идарә итү институтында эшлекле идарә итү магистр дәрәҗәсен ала (2008). 2012 елда Швейцариядә Аурупа университетының бизнес-мәктәбендә диссертация яклый.
2018 елда икътисад фәннәре докторы дәрәҗәсенә ия була.
2002 елдан Башкорт дәүләт университетында эшли. Милли икътисад кафедрасы ассистенты, өлкән укытучы һәм доцент вазыйфасында эшләгән. 2011 елда аны икътисад факультеты деканы итеп сайлыйлар[3][4]. 2017—2018 елларда Ахунов Башкорт дәүләт университетының стратегик үсеш буенча проректор вазыйфасын башкара[5]. 2018 елда аны Башкортстан Республикасы Фәннәр Академиясе әгъза-корреспонденты итеп сайлыйлар[6].
2018 елдан 2019 елга кадәр Россия Фәннәр академиясенең Уфа фәнни үзәге рәисе вазыйфаларын вакытлыча башкаручы. 2019 елдан Төбәк икътисадының заманча мәсьәлә лабораториясе мөдире вазыйфасын били[7].
VI нчы чакырылыш Башкортстан Республикасының Дәүләт Җыелышы — Корылтайның депутаты. «Бердәм Россия» партиясенең Башкортстан бүлекчәсе җирле сәяси советында торган. Башкортстанда Гомумроссия халык фронтының Төбәк комитеты әгъзасы.
Башкортстан Республикасының 2030 елга кадәр социаль-икътисадый үсеше стратегиясенең автордашы булып тора[8].
Ахунов 160 тан артык мәкалә, шул исәптән монографияләр, дәреслекләр һәм рецензияләнә торган журналларда мәкаләләр авторы. Шулай ук «Башкортстан финанслары»[9] һәм «Икътисад һәм идарә: фәнни-гамәли журнал»[10] редакция советлары составына керә.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.