Рабит Батулла

Рабит Батулла (чын исем Роберт Мөхлис улы Батуллин, 1938 елның 26 мартында туды) – күренекле татар язучысы, драматург, публицист, җәмәгать эшлеклесе. Дамир Сираҗиев исемендәге (2024) премия лауреаты.

Батулла
Туган телдә исем	Роберт Мөхлис улы Батуллин
Туган	26 март 1938(1938-03-26) (87 яшь) СССР, РСФСР, ТАССР, Зәй районы, Түбән Олыҗы
Милләт	татар
Ватандашлыгы	Россия  СССР
Әлма-матер	М. С. Щепкин ис. Югары театр укуханәсе[1], Югары сценарийчеләр һәм режиссерлар курслары[d][1] һәм А. М. Горький ис. Әдәбият институты[1]
Һөнәре	язучы, драматург, публицист, җәмәгать эшлеклесе
Эш бирүче	Галиәсгар Камал исемендәге Татар театры[1], Татар дәүләт «Әкият» курчак театры[1], Татарстан (телерадиокомпания)[1], Шәүкәт Хәсән улы Биктимеров исемендәге Казан театр укуханәсе[1] һәм Казан дәүләт мәдәният институты[1]
Җефет	Рузия (III никахы)[2]
Балалар	улы Илдар, кызы Ирина;[3]уллары Нурбәк, Байбулат (III никахтан)
Ата-ана	Мөхлис Батуллин (әти)
Бүләк һәм премияләре	ТАССР ның атказанган сәнгать эшлеклесе, (2006 ел)
Батулла Викиҗыентыкта

Википедиядә Батуллин фамилияле башка кешеләр турында мәкаләләр дә бар.

Биография

Роберт Батуллин 1938 елның 26 мартында Татарстанның Зәй районы Түбән Олыҗы авылында туа. 1956-1961 елларда Мәскәүдә М.С. Щепкин исемендәге театр училищесында укый, аны тәмамлагач, ике ел Татар дәүләт академия театрында актер булып эшли, шул ук вакытта режиссерлык эше белән дә шөгыльләнә.

Иҗат

Рабит Батулла әдәбиятның төрле жанрларында ижат итә. Иҗатының беренче чорында ул күбрәк курчак театры өчен яза. Аның «Төш вакытындагы могҗиза», «Курай уйный бер малай» һ.б. пьесалары Казан, Донецк, Сарытау, Кемерово, Барнавыл курчак театрлары сәхнәләрендә куела. Әбугалисина кыйссасы нигезендә язылган «Тылсымчы белән сихерче» (1966) пьесасы аеруча зур уңыш казана: курчак театрларының Бөтенрусия конкурсында икенче дәрәҗә диплом алуга ирешә. Тирән эчтәлекле, актуаль проблемаларны чагылдырган «Кичер мине, әнкәй!», «Өчәү юлга чыктык», «Туйлар узгач», «Сират күпере», «Мин Америка ачтым» һ.б. драма әсәрләре тамашачы һәм укучы тарафыннан яратып кабул ителә.

Рабит Батулла драматург буларак кына түгел, ә прозаик, балалар язучысы буларак та танылды.

Фильмография

• 2023 ― «Ядәч! Истә!» (режиссер Байбулат Батуллин) ― Рәсим бабай (төп рольләрнең берсе).

Бүләкләр

• 1985 елда «Татарстанның атказанган сәнгать эшлеклесе» дигән мактаулы исем бирелә.

Әдәбият өлкәсендә ирешкән уңышлары һәм иҗтимагый эшчәнлеге өчен ул:

• 1991 елда Гаяз Исхакый исемендәге һәм
• 2006 елда Татарстан Республикасының Габдулла Тукай исемендәге премияләренә лаеклы булды.
• 2024 ― Дамир Сираҗиев премиясе^[4]

Хөрмәтләү

• 2023 елның февралендә Зәй районының Түбән Биш авылы мәктәбендә язучының музей-бүлмәсе ачыла.^[5]