Ольга Левадная

Ольга Георгий кызы Левадная (рус. Ольга Георгиевна Левадная; 05.12.1962, Сумы, Сумы өлкәсе, УССР, ССРБ) — шагыйрә, Татарстанның атказанган мәдәният хезмәткәре (2008), Державин (2007) һәм Саҗидә Сөләймәнова (2015) исемендәге премияләр лауреаты, Татарстанның һәм Росиянең Язучылар берлеге әгъзасы, «Диалог» шигъри театрының сәнгать җитәкчесе (2016) булып тора.^[1][2]

Ольга Левадная
Туган телдә исем	Ольга Георгий кызы Левадная
Туган	2 июнь 1958(1958-06-02) (66 яшь) Сумы, Сумы өлкәсе, УССР, ССРБ
Милләт	украин
Ватандашлыгы	СССР→ Россия
Һөнәре	язучы, журналист
Бүләк һәм премияләре	Саҗидә Сөләйманова премиясе Державин премиясе
Ольга Левадная Викиҗыентыкта

Википедиядә Левадная фамилияле башка кешеләр турында мәкаләләр дә бар.

Биографиясе

Ольга Георгий кызы Левадная 1958 елның 2 июнендә Украинаның Сумы өлкәсе Сумы шәһәрендә хәрби хезмәткәр гаиләсендә туа.^[3] Аның әтисе ягыннан бабасы Сумы машина төзү заводында эшләгән, сугыш елларында предприятие белән бергә Кемеровога эвакуацияләнгән, 4 ел буе фронт ихтыяҗлары өчен заказлар үтәгән. Әнисе ягы Новосибирск өлкәсеннән, бабасы сугышка кадәр колхоз рәисе булган, 1943 елда Курск дугасындагы сугышта һәлак була. Леваднаяның балачагы бер-берсеннән нык аерылып торган күп кенә шәһәрләрдә уза. Бер ел Украинада яшәгәннән соң, гаилә Венгриягә күченә.^[3]

1970 елда гаиләсе белән Казанга күченеп киләләр, әтисе Кремльдә полкның кораллану начальнигы вазыйфасын ала,^[3] башта урта мәктәпне, 1978 елда Казан индустриаль—педагогика техникумын тәмамлый.^[4]

Хезмәт эшчәнлеген 1978 елда Казан шәһәренең Мәскәү РК ВЛКСМДА статист булып башлый. 1979—1980 елларда — «Вечерняя Казан» газетасының штаттан тыш хәбәрчесе. Аннары 6 ел дәвамында «Подарки» кибете администраторы, 1988—2000 елларда Казан шәһәренең Мәскәү районы ЗАГС хезмәткәре булып эшли.^[4]

1988—1992 елларда Казанның иҗат яшьләре Советы Рәисе эшендә булыша.^[4]

Хәзерге вакытта Казанда яши һәм эшли.^[4][5][6][7]

Китаплары

• «В ожидании снега живу» (1992),
• «Пройти заколдованный круг» (1998),
• «В свободном падении вверх» (2003),
• «Вблизи от нашего прошлого» (2003),
• «Поднимаясь по лестнице раздумий» (2005),
• «Из крика птиц растут воспоминания» (2005),
• «Звёздные врата» (2010),
• «Ветер сердца» (2014).

Бүләк һәм премияләре

• Г. Р. Державин исемендәге премия лауреаты (2007) ― «Из крика птиц растут воспоминания» шигырьләр җыентыгы өчен^[8]
• Татарстанның атказанган мәдәният хезмәткәре (2008)^[1]
• Саҗидә Сөләймәнова исемендәге премия лауреаты (2015),^[1]

Искәрмәләр

1. Татарстан Республикасы Язучылар берлеге.
2. Два русскоязычных автора стали «Лучшими поэтами года».
3. Левадная Ольга Георгиевна. Фонд биографических интервью.
4. Ольга Левадная — Лауреат литературной премии имени Г. Р. Державина в 2007 году.
5. Ольга Левадная. Биография.
6. Казанская Шахерезада Ольга Левадная: стихи и музыка «на сказочном берегу Казанки».
7. Казанская Шахерезада Ольга Левадная: стихи и музыка «на сказочном берегу Казанки».
8. Армен Малахальцев. Он любил Россию и отчий край. «Республика Татарстан». 17.07.2007