From Wikipedia, the free encyclopedia
Иван Плотников (4 сентябрь 1925 ел — 13 июль 2011 ел) — ССCР һәм Россиянең галим-тарихчысы, Бөек Ватан сугышында катнашучы, полковник. Тарих фәннәре докторы (1967), профессор (1968), РСФСРның атказанган фән эшлеклесе (1985).
Иван Плотников | |
---|---|
Туган | 4 сентябрь 1925[1] Кәрәләү, Бөре кантоны, БАССР, РСФСР, СССР |
Үлгән | 13 июль 2011 (85 яшь) Екатеринбург, Россия |
Ватандашлыгы | ![]() ![]() |
Әлма-матер | Башкорт дәүләт университеты |
Һөнәре | тарихчы |
Эш бирүче | Урал дәүләт тау университеты һәм Урал дәүләт университеты[d] |
Гыйльми дәрәҗә: | тарих фәннәре докторы[d] |
Иван Плотников 1925 елда Аскын районы Королев авылында крестьян гаиләсендә (әнисе — Агриппина Евсеевна, кыз фамилиясе Останина, атасы — Федор Николаевич Плотников, гражданнар сугышында партизан-блюхер булган) туган. Иванга өч яшь тулганда, атасы гаиләсен ташлап, яңа гаилә кора. 1928 елда әнисе Иван белән Караидел районы Байкы авылына күчеп килә.
Иван Плотниковның хезмәт юлы 13 яшендә башлана: башта ташчылар бригадасында кирпеч ташый, 14-15 яшендә көтүче, 1941 елның җәендә Караидел машина-трактор станциясендә (МТС) комбайнер ярдәмчесе булып эшли. Бу вакытта туганнары янында яши[2].
1947 елдан Башкорт АССРның Караидел һәм Аскын районы урта мәктәпләрендә укытучы булып эшли.
1949 елда К. А. Тимирязев исемендәге Башкорт дәүләт педагогия институтын тәмамлый, аннары Урал университеты янындагы аспирантурага укырга керә. Аны 1954 елда тәмамлый, «Коммунистическая партия Советского Союза — вдохновитель и организатор героического труда советской интеллигенции в годы Великой Отечественной войны (1941-1945 гг.)» темасына кандидатлык диссертациясе яклый[3]. 1954 елдан Екатеринбург югары уку йортларында эшли. 1962-1975 елларда — Тау институтында кафедра мөдире, 1975-1992 елларда — Урал дәүләт университетында кафедра мөдире[4] булып эшли.
Фәнни кызыксыну сферасы — Россиянең көнчыгышында гражданнар сугышы тарихнамәсе һәм тарихы проблемасы, бигрәк тә Уралда, Себердә һәм Ерак Көнчыгышта 1917-1922 елларда большевиклар һәм большевикларга каршы көчләрнең каршы торуы, шулай ук Бөек Ватан сугышы тарихы.
СССРның һәм Россия Федерациясенең югары уку йортлары министрлыгының берничә Советына керә, югары уку йортлары өчен тарих буенча берничә уку программасы автордашы. Озак вакыт СССР Фәннәр академиясенең (соңыннан Россия Фәннәр академиясе)[5] «Россия революцияләр тарихы» гыйльми советы әгъзасы, Урал секциясе рәисе була. Беренчел документлар белән актив эшли, Россия үзәге һәм көнчыгыш белән Казакъстанның 60-тан артык архив документларын өйрәнә. Свердловск өлкәсенең Дәүләт архивында аның шәхси фонды урнашкан.
Аның фәнни җитәкчелеге астында илледән артык кандидатлык һәм докторлык диссертацияләре якланган.
800-дән артык фәнни хезмәт, шул исәптән 31 монография авторы. Кайбер хезмәтләре:
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.