From Wikipedia, the free encyclopedia
Валерий Әхмәтшин, Валерий Васил улы Әхмәтшин (1941 елның 4 июне, ТАССР, Сарман районы, Сарман) — үзешчән композитор, җырлар, романслар авторы, Алабуга мәдәният училищесы (хәзерге Алабуга мәдәният һәм сәнгать көллияте) укытучысы. Татарстанның атказанган мәдәният хезмәткәре.
1941 елның 4 июнендә Татарстан АССР Сарман районы үзәге Сарман авылында хезмәткәр гаиләсендә туган. Сарман урта мәктәбен (1958), Алабуга мәдәният-агарту училищесын, Н. К. Крупская исемендәге Лениград мәдәният институтының оркестр бүлеген (1967) тәмамлый.
Алабуга мәдәният-агарту училищесын тәмамлагач, Мамадышта халык уен кораллары оркестры җитәкчесе.
Ленинград мәдәният институтын тәмамлагач, Алабуга мәдәният училищесындә укыта.
Ленинград мәдәният институтында укыган елларында (1962-1967), беренчеләрдән булып, татар эстрадасы өчен җыр текстларына көйләр чыгара башлый. Иң зур танылу алган җыры булып «Чыгарсыңмы каршы алырга» (Дамир Гарифуллин сүзләренә) җыры исәпләнә, чөнки җыр, язылу белән үк, якташы Илһам Шакиров, Әлфия Авзалова, Флера Сөләйманова репертуарында яңгырый башлый.
Алабуга мәдәният училищесындә укыткан вакытта җырларга, романсларга көйләр язуын дәвам итә. Төрле елларда иҗат иткән 100дән артык әсәре[1] — оркестр өчен, музыка уен кораллары өчен язылган әсәрләре, билгеле җырлары һәм романслары бар (мәсәлән, Рамил Чурагулов сүзләренә «Әрәмә баланнары», «Сыерчыклар сайрый», «Бәгърем, тик син генә», «Здравствуй, Кама» һ.б.).
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
